Danyél 3:2 - Udél Dwata: Gna Kesfasad ne Lomi Kesfasad

² Ominen hemwit udél ebè yó kem tau genlal ne ebè yó kem tau malak yó kem sendalù ne ebè yó kem gubérnor ne ebè yó kem tau gel hemlan béléen udél ne ebè yóm tau gel hemyu filak ne ebè yó kem tau gel kmukum ne ebè yóm kdéen genlal bè prubinsya Babilun anì gotu le mógów ebè yó na le e hnigal yóm lennged blówón deng hdaen.

Danyél 3:2 Referans Kwoze

Danyél 3:27

Mung kton le kul yó kem tau genlal ne yó kem genlal bè sendalù ne yó kem gubérnor ne yó kem fen gel hemlan udél bè yóm tau hol geta, ya tey ketnga le yóm klaen dù hemen le. Balù sbalu wek le ke mlób ne là se mlób nes le. Balù boo kebel, là kô gungef le du bélê le.

Kem Udél Hlalak Tehe Selumun 29:12

Yóm tau mogot benwu ke nmungen yóm kéng gotu le baling mò kéng se kul yó kem tau smugung béléen.

1 Bok Kem Tau Hol Geta 12:32

Yó sotu bud nmò Jirubuam, bud hetfingen yóm sotu kdaw mò kul kehligal yó kem tau bè Bétél. Hnigal le nim ni bè yóm gesfoloen limu kdaw bè yóm gwoluhen bulón, lómón yóm gel Kehligal bè Slung gel nmò le bè Juda. Bè yóm gónó gel demsù bè Bétél, wen dsuen se kun ebè yó kem safì tahu blówón deng hmoen. Ne bè yó bè Bétél wen kem tau gel demsù néléken mò demsù bè yó kem gónó demsù deng hdaen.

Kmukum 16:23

Timbow deng legen udì bè yó, sotu kdaw gotu le stifun yó kem tau malak yó kem tau Flistin, hligal le mò ken bong ne wen tey dsù le ebè yóm kul dwata lennged boluyen Dagun. Yó mon le, “Deng hegmoen tekuy yóm kut dwata bè Samsun yóm tau hohon tekuy.”

Lista 25:2

Yó nmò yó kem libun Muab yó, tinok le yó kem logi Israél anì gbót le mken bélê le bè yóm ken dsù le ebè yó kem kul dwata lennged kem tau Muab. Tahu se, gbót le mken yó kem tau Israél ne mung le tmaba ebè kul dwata lennged boluyen Baal bè yó bè Piyor.

Deng Hegfan 17:2

Kdéen tau hol geta bè klamangen benwu, gotu nbóten lu nim libun ni. Ne kdéen tau talak tonok, gotu gbót hlengel minum béléen mò lanen mit kul mò sidek.”

Danyél 3:3

Tikóng le gotu kól bè yó yóm kdéen genlal tinoken ni, gotu le mdà bè solu yóm lennged deng hdà Nibukadnisar,