Danyél 3:19 - Udél Dwata: Gna Kesfasad ne Lomi Kesfasad

¹⁹ Ya tey sidek kebut Nibukadnisar kul le Sadrak ne Misak ne Abidnigu, tódô sedlu hulô lem uyóhen. Ominen mdók yó kem tau gel dóken anì hol hendlà le dmutung ofi hitu duléken mkay kkinien.

Danyél 3:19 Referans Kwoze

Danyél 3:13

Uni Nibukadnisar mungol du yóm tifù le yó, ya tey sidek kebuten, tódô kendel htabahen le Sadrak ne Misak ne Abidnigu. Tikóng le kól bè yó

Kem Udél Hlalak Tehe Selumun 21:24

Sedekà boluy du yóm tau heklabak ne hton salù ne yóm alì sidek keheklabaken bè ket nmoen.

Kul Nmò 5:33

Timbow gungol le yóm udél le Pitér yó koni yó kem tau mogot kukum, tey sidek kebut le kul, kóyô le ke géhél hfatay le lu.

Danyél 5:6

ya tey sidek klikoen, tódô bukós lem uyóhen ne tódô setbol kkelen, ne là kóen bud gdà.

Kem Lingón 76:10

Yóm kebut le kóm yó kem tau, yó se sotu hol gónóm megdóyón. Yóm kebut le kóm yó, mò sudengem tmafak tau.

Kul Nmò 7:54

Kogol yóm kudél Stéfén ebè yó kem tau hol geta mogot kukum, ya tey sidek kebut le du, sónmò le semdeken beeng le.

Danyél 6:24

Omin yóm tau hol geta gotu hekfô yó kem tau tehe alì tmifù ke Danyél. Gotu bud tles boten lu elem yóm sol gónó le kmukub yó kem liyun, mung kul kem yehen le ne kem ngà le. Là kô le deng gefet ditu laan deng sana sensegaf nsék le lu yó kem liyun, tódô gotu nkeb le kem tiol le.

Kem Udél Hlalak Tehe Selumun 16:14

Sok alì lembut yóm tau hol geta ayawen wen matay ne yóm tau hulung hedem eles nebelen lanen hebó yóm kebut yóm tau hol geta yó.

Istér 7:7

Omin Sérksis tódô hebkó mdà lemwót bè yóm alì kebuten tódô tebelen lu mógów ebè lewà etalak lósólen. Tódô gnóm Haman yóm angat kehfatayen du yóm tau hol geta yó gónón tebel bè yó se kun, tódô hendlaen hkodu bè Istér anì là matayen.

Tekang Kbuten 31:2

Bud ton Jakub snéen yóm là bud hol kgulit Laban yóm gna kmoen ebéléen.

Danyél 2:12

Ya tey sidek kebut yóm tau hol geta yóm kungolen du nim udél le ni. Yó nmoen, gotu hfatayen yóm kdéen tau temngón bè Babilun.

Danyél 3:20

Ominen mdók yó kem sendalù alì kemgis bè yó kem sendaluen mò mfét kul le Sadrak ne Misak ne Abidnigu mò mbot kul elem ofi.

Istér 3:5

Timbow gungol Haman yóm là ktud Murdikay bukol bè soluhen, ya tey sidek kebuten.