Danyél 3:17 - Udél Dwata: Gna Kesfasad ne Lomi Kesfasad

¹⁷ Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Danyél 3:17 Referans Kwoze

Sulat Pol Ebè Yó Kem Tau Hemtahu Bè Rom 8:31

Tedu se kmon tekuy du ni kem deng monu ni koni? Yó hol gwa tekuy du yóm klaen dù gembek hemsidek tekuy ke deng gfi bélê tekuy Dwata.

Kun Snulat Luk 1:37

Abay se yóm Dwata, laen kô dù là gbeken du.”

Hibru 7:25

Duhen yó, ke hlan tekuy béléen yóm kehloni tekuy ebè Dwata, nô kihu kdaw tekuy tô mò du, hol là gbeken du ke là lenwaen tekuy gu lem hatay. Lemwót bè yóm kun là katay, yó gónón là skó yóm knihen tóbóng bè Dwata bélê tekuy.

Jirimaya 1:8

Béi abay hlikò bè yó kem tau, yakà tendohe nô béléem mò kemlung kóm. Ou se Dwata nim mudél ni.”

Kul Nmò 21:13

Okóm mom mon Pol, “Moen de ke mkik ye? Ten-geed ye hemblat nawahu nim nmò ye ni. Balù kihu nmò le béléu ditu bè Jirusalim, kihu ke nfét le ou duhen ke hnatay le ou, syan ke lolou yóm kun kóyô Jisas.”

Job 5:19

Tendo gel lenwaen uu bè yóm gónón wen gfaem.

Isaya 12:2

Dwata se yóm lemwà do. Són du se do snalig ne yó gónóhu là bud likò. Béléen hol gónón lemwót yóm kgisu ne yóm kligalu, hol du se yóm lemwà do.

Kem Lingón 115:3

Yó balà me kul, nô bè longit yóm kum Dwata, gbeken mò du kihu nóyô nmoen.

Kul Nmò 20:24

Okóm kem kunen ne myó du, là kô ngalihu du klowilu,” mon Pol, “olo ke tô là henfuhu du yóm hmoen dou Jisas, duhen yóm ktulónu du bè kem tau yóm Tulón Hyu gbak ebè yóm lan Dwata tmóbóng kul.

Danyél 6:27

Gel lenwaen yó kem kun tau. Wen tey hentaw ton gel nmoen ditu bè longit ne dini talak tonok. Deng lenwaen Danyél lem yóm tey klóbô yó kem liyun.”

Danyél 4:35

Kdê yó kem tau talak tonok, le hilu he yóm kul kegbek ke hesengedem bè yóm kun. Wen kegbeken mò du yóm kun kóyô lem blóng yó kem hógówen gu bè longit, dalang se bè kdê yó kem tau nô dini talak tonok. Laen dù gembek hemseng du ne laen kô dù mlos smólók du yóm kun nmò ke mon le, ‘Na, tedum nmoem ni du?’

1 Samwél 17:46

Kemdaw ni, blay Dwata uu elem hólólu ne hnatayu uu, kenlengu kuluhem. Ominu bemlay du bè yó kem onuk koyu ne bè yó kem ógóf lóbô lem bnes yóm lówóhem, dalang se lówó yó kem dumu sendalù Flistin mung béléem matay. Bè ni gónó le temngón du yóm kdéen tau bè klamangen benwu wen Dwata yó kem tau Israél.

1 Samwél 17:37

Deng lenwà Dwata o lem knugu yó kem liyun ne dalang se bè yó kem bér ne bud lenwaen o snéen lem hólól yóm Flistin yóó.” Omin Sol mon du mò ke Dabid, “Yó ne, lemwóti. Dwata he mung kóm.”

Tekang Kbuten 18:14

Laen kô dù là gbek Dwata du. Halay hulihen he bud kesfuléku edini ne deng mngà logi ne Sara, hol lómón yóm deng monu koni.”

Isaya 54:14

Yó hol hembegel kuy, duhen yóm kukum tedeng nwit ye ne yóm hol kgulit nmò ye. Laen kô dù bud gembek hemgnok kuy ne hmikò kuy.

Kem Lingón 73:20

Yóm kul klowil yó kem tau gel mò sidek, lómón ke olo kna. Timbow hlafus là bud tngónem du. Ke tnafakem lu, Dwata, gotu le lana yó kem tau yó.

Tekang Kbuten 17:1

Timbow deng syóm folò syóm ne halay Abram, bud hegfan béléen Dwata ne monen mò du, “Ou se yóm Dwata laen dù là gbeken du. Hol tendo nimónem ou ne hol nmoem yóm tedeng.

2 Kurin 1:10

Bè yóm kdaw yó, lenwaen mi bè yóm tô khatay le kum, ne bud lenwaen mi snéen hulin kdaw.

Kem Lingón 37:40

Sal gel tnóbóngen lu, ne hewaen lu lem tdok yó kem tau gel mò sidek. Yó gónón mò du bélê le yóm yó, abay se gel le heklung béléen.

Jirimaya 15:20

Lómó kmou kóm lómón ke uu yóm beng tenwél alì mbegel. Ke wen mit kóm sfatay là kô le gemmò béléem. Tendohe nô béléem mò kemlung kóm anì laen dù hemenem. Ou se yóm sana Dwata hol gónó mogot nim mudél ni.

Jirimaya 15:21

Angat hewau uu lem tdok yó kem tau gel mò sidek ne lem tdok yó kem tau tô hmatay kóm.” Là gomongen bè nili yóm tsaptér 16 kól bè tsaptér 17:4. Yó tulónen yóm là kóyô Dwata ke myehen Jirimaya. Là móyô Dwata snéen ke mung bè mulu ne ke mógów bè gónó modung, duhen ke mung bè yó kem gel kehligal le ke wen gel ken le bè yó kem gel dsù le. Yó gónó Dwata là móyô ke gbót Jirimaya bè yóm gel kehligal le yó, kóyóen ke dilô yó kem tau yóm angat kkóhen du bélê le yó kem dê gel hnigal le yó.

Danyél 3:26

Omin Nibukadnisar tô hloni ebè bak tum tey ofi dmilóf mung du yóm tey ketgamahen, tmaba monen, “Ó Sadrak ne Misak ne Abidnigu kem tau tóbóng lówó yóm Dwata hol geta bè kdéen hewà ye edini.” Tahu se, hewà le gu lem ofi le Sadrak ne Misak ne Abidnigu.

Danyél 6:16

Yó gónóm mon, laen dù gmò yóm tau hol geta, tódô hekfóen Danyél ne bot le elem yóm sol gónó le kmukub yó kem liyun. Yó olo udél yóm tau hol geta ebéléen, monen, “Yó hem Dwata tendo nimónem fen lemwà kóm.”

Danyél 6:23

Ya tey kligal yóm tau hol geta, ominen hewa ke Danyél lem yóm sol gónó le kmukub yó kem liyun. Lemwót bè yóm ksalig Danyél yóm kun Dwata, balù udì ke wen ton le halì bè lówóhen.

Mika 7:7

Okóm béléu do, són bè Dwata gónów htóbóng. Là kóen megewu nawahu du yóm angat kehewaen dou. Gel hnungolen ou yóm dou Dwata.

Kem Lingón 37:39

Tólóng kul yó kem tau hyu kmò le, sal gel lenwà Dwata lu. Gel kenlungen lu ke gel wen gfà msut.