Danyél 3:15 - Udél Dwata: Gna Kesfasad ne Lomi Kesfasad

¹⁵ Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Danyél 3:15 Referans Kwoze

Kul Nmò 5:29

Yó balà le Pitér du, mon le, “Mom hyu nawa me mimón ke Dwata, olo ke tô nimón me udél tau.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

2 Bok Kem Tau Hol Geta 18:35

Deng wen dwata lennged kô gbeken lemwà benwuhen lem hólólu? Moen se ke hendem ye gbek Dwata lemwà yóm syudad Jirusalim lem hólólu?”

Kehewà 5:2

Yó udél Faro, monen, “Dwata du de myó? Moen du ke tô hnungolu ne ke tô hlusu lu lemwót yó kem tau Israél? Là kô tngónu du dou yóm Dwata yó ne là kô hlusu kul.”

Kul Nmò 4:19

Okóm bnalà Pitér ne Jan lu, mon le, “Bè kuy kmò kehedem du, mahi du hyu bè kton Dwata kum, ke nimón me yu duhen ke Dwata?

Mark 13:11

Ke angat kenfô le yu, ne nit le yu ebè yóm gónô skukum, bê ye abay tnafa nawa yóm kmò kbalà ye kul. Dwata he bemlay kuy yóm kmò angat kbalà ye kul sok sut yóm kdaw yó. Abay se là kô kuy udél du yóm angat mon ye, udél tódô suen bélê ye yóm Tulus Dwata.

Danyél 6:16

Yó gónóm mon, laen dù gmò yóm tau hol geta, tódô hekfóen Danyél ne bot le elem yóm sol gónó le kmukub yó kem liyun. Yó olo udél yóm tau hol geta ebéléen, monen, “Yó hem Dwata tendo nimónem fen lemwà kóm.”

Kul Nmò 6:15

Yóm igò le alì tmifù kéng ni kem tau dmelem ni, là kô kó mata le ke Stéfén yó kem tau mogot kukum seyón bè yó. Tódô ton le yóm tey klayag gu lem uyóhen, hol lómón ke uyó yóm hógów Dwata gu bè longit.

Kun Snulat Luk 13:9

Ne ke sok mungu halay hulin, hyu. Okóm ke là, tódô angat hofokem he.’ ”

Kun Snulat Luk 12:11

Ke wen tau kmamo kuy lemwót bè yóm klolò ye do, ne ke nit le yu ebè yó kem gónó le gel stifun yó kem Ju mò gónó le kmukum kuy, duhen ke nit le yu ebè yó kem gubérnor duhen ke ebè yó kem dumu tau mogot benwu, bê ye abay tô lenóngón nawa yóm angat mò kbalà ye kul.

Danyél 6:20

Timbow kól bè yó, ominen tmaba ke Danyél igò yóm tey ktafa nawan, monen, “Ó Danyél yóm tóbóng lówó yóm Dwata là matayen, gbeken lemwà kóm bè yó kem liyun kô yóm kóm Dwata tendo nimón?”

Isaya 37:23

Deng tngónem kô kóm kun kegeta yóm hennéem yó? Ou se yóm là nadatem du yó, yóm Dwata yó kem tau Israél, yóm Dwata laen dù belenen.

Kehewà 32:32

Ke yóm hyu béléem hol hnifótem lu. Okóm ke là móyói hmifót kul, tódô kóhem yóm dou boluy deng snulatem bè yóm bok gónóhem smulat boluy yó kem tauhem.”

Matyu 27:43

Gel smalig bè Dwata kun, ne du kun yóm Ngà Dwata. Nénég ke móyô Dwata lemwà du.”

Matyu 10:19

Ke angat kenfô le yu, bê ye abay tô tnafa nawa yóm mò kbalà ye kul, ne yóm kmò kudél ye ebélê le. Dwata he tmolok du kuy yóm kmò kbalà ye kul sok kól yóm kdaw yó.

Danyél 2:9

Ke là tulón ye du dou yóm knahu tek sotu kukumu kuy. Deng ssotu atul ye tmulón kéng béléu anì mkó ta ye yóm hatay ye. Okóm ke hol tulón ye do yóm knahu, anì bè yó gónóhu temngón du gbek ye bud tmulón du do snéen yóm hnigaden.”

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”