Danyél 3:13 - Udél Dwata: Gna Kesfasad ne Lomi Kesfasad

¹³ Uni Nibukadnisar mungol du yóm tifù le yó, ya tey sidek kebuten, tódô kendel htabahen le Sadrak ne Misak ne Abidnigu. Tikóng le kól bè yó

Danyél 3:13 Referans Kwoze

Danyél 3:19

Ya tey sidek kebut Nibukadnisar kul le Sadrak ne Misak ne Abidnigu, tódô sedlu hulô lem uyóhen. Ominen mdók yó kem tau gel dóken anì hol hendlà le dmutung ofi hitu duléken mkay kkinien.

Danyél 2:12

Ya tey sidek kebut yóm tau hol geta yóm kungolen du nim udél le ni. Yó nmoen, gotu hfatayen yóm kdéen tau temngón bè Babilun.

Kul Nmò 24:24

Sotu kdaw bè yó, bud mógów ebè yó Gubérnor Filik, mung du tuha libunen boluyen Jusila. Libun Ju se kun nim Jusila ni. Omin Filik hangay ke Pol anì hnungol le yóm tulónen bè yóm kehtahu bè Krays Jisas.

Kun Snulat Luk 21:12

Bede yóm hanà gu laanen,” mon Jisas, “na le na gotu kenfô yu, ne lel le hmayam kuy lemwót bè yóm klolò ye do. Angat nit le yu ebè yó kem gónô gel stifun yó kem Ju mò gónó le kmukum kuy, ne angat bnanggù le yu. Ne angat hdà le yu bè solu yó kem tau hol geta ne bè solu yó kem gubérnor lemwót bè yóm klolò ye do.

Kun Snulat Luk 6:11

Ya tey sidek kebut le ke Jisas yó kem Farisi ne yó kem tau gel tmolok hlau bè yóm nmoen yó. Kewóten bè yó ne, tendo sensatul le yóm kmò le ke Jisas.

Mark 13:9

Eles hol ten-gama ye,” mon Jisas, “abay se angat wen kem tau kemfô kuy, nit le yu ebè yóm gónô skukum, angat nabid nfes le yu bè yó kem kul gónô gel stifun yó kem Ju. Lemwót bè yóm klolò ye do, angat nit le yu bè solu yó kem gubérnor, ne bè yó kem dumu tau hol geta. Yó se yóm kdaw tnana keheglileb ye yóm Tulón Hyu.

Matyu 10:18

Lemwót bè yóm klolò ye do gónó le angat mit kuy bè solu yó kem gubérnor, ne bè yó kem tau hol geta. Yó se kdaw ye tnana hetngón du bélê le yóm Tulón Hyu, dalang se ebè yó kem tau là Ju le.

Kem Udél Hlalak Tehe Selumun 29:22

Són moen mit sbólów bè kem dumu tau yóm tau sunget ne yóm tau gel mahil lembut tey dê gónón gemsalà.

Kem Udél Hlalak Tehe Selumun 27:3

Yóm botu ne helek tey blat okóm udì he keblat ni kem ni ke hsenged te bè yóm keblat yóm keglayam lemwót bè yóm tau book.

Kem Udél Hlalak Tehe Selumun 17:12

Mom hyu he gemslong yóm sotu kay ógóf alì sidek klóbóen boluyen bér, olo yóm gemslong tau book tolo lelen mò kbooken.

Tekang Kbuten 4:5

Okóm fen kenbéen yóm kun dsù Kain. Ya tey sidek kebut Kain, ne tey sidek kegnómen du.

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.