Danyél 3:12 - Udél Dwata: Gna Kesfasad ne Lomi Kesfasad

¹² Okóm, wen kem Ju là mimón du yóm deng monem. Yó boluy le Sadrak ne Misak ne Abidnigu, hono kem tau deng wen hogotem kul bè ni bè prubinsya Babilun. Là kô nimón le kóm, là kô le hemtahu bè yóm kóm dwata ne là kô le tmaba bè yóm lennged blówón deng hdaem.”

Danyél 3:12 Referans Kwoze

Danyél 6:13

Omin le tmulón du yóm tau hol geta, mon le, “Yó se nmò Danyél yóm sotu tau negef lemwót gu bè Juda, là kô nimónen kóm dalang se yóm udin deng femahem. Tódô henlelen mni bè yóm kun Dwata na tlu duléken sendaw mò du.”

Danyél 2:49

Wen hni Danyél bè yóm tau hol geta anì nmoen le Sadrak ne Misyak ne Abidnigu mò mogot yóm kdéen nmò bè yó bè prubinsya Babilun. Okóm ke Danyél kun, tódô hlós nô bè yó bè fsinà bè gónô bong yóm tau hol geta.

Kul Nmò 17:7

ne nim Jasun nii, fen gel hnalam kul bè gónóen. Gotu nulé le yóm udin Sisar, yóm tau hol geta bélê tekuy, yóm kdê le, abay se gel mon le wen sotu tau hol geta senta Sisar kun, boluyen Jisas.”

Kem Udél Hlalak Tehe Selumun 27:4

Yóm kebut tau tey sidek ne tey te glayam du okóm udì he nim ni ke hsenged te bè yóm keglayam te du yóm klenget tau.

Kul Nmò 5:28

monen mò kul, “Deng tey mget kmon me du mò kuy hol bê ye abay bud sentbong yóm boluy Jisas. Ngem ni kun, deng mom lengeben Jirusalim gónón e mból yóm gel tolok ye. Lel ye tô hbut du eta me yóm katayen yóm tau yó.”

Istér 3:8

Omin Haman stulón bè yóm tau hol geta, monen, “Wen sotu but tau deng sekla lem nim benwu knamalem ne tódô ket prubinsya gónóm mton kul. Yóm kul lolò là kóen mkél bè kul lolò yó kem dumu tau. Ne sotuhen, là kô nimón le du yó kem udin lem yóm benwu knamalem ni. Yó gónóm mon, là kóen hyu ke tódô bayaem kul nim ni.

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Danyél 3:11

Ke wen tau mulé du yóm udin yó, tódô henmung bot elem tum tey dilóf ofi.

Danyél 3:16

Yó balà le Sadrak ne Misak ne Abidnigu du, mon le, “Ó Nibukadnisar, laen mu me malà kóm bè yóm udélem yó.

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

Danyél 3:30

Ominen lemwót yóm tau hol geta yó, hegetahen glal le Sadrak ne Misak ne Abidnigu bè yó bè prubinsya Babilun.

Danyél 6:14

Timbow gungol yóm tau hol geta yóm tulón yó, ya tey sidek kegbeng lemen lemwót bè yóm deng kefemahen yóm udin yó. Tô hotuhen gelen mebel lanen lemwà ke Danyél efet deng sdef kdaw.