Danyél 3:10 - Udél Dwata: Gna Kesfasad ne Lomi Kesfasad

¹⁰ Deng wen udin nmoem anì kdéen tau gotu mtud uyó bè tonok ke sok gungol le yóm tey uni féw sguyun mung du yóm kdê dumu huni le ne tmaba le ebè yóm lennged blówón deng hdaem.

Danyél 3:10 Referans Kwoze

Danyél 6:12

Omin le bud semfulék ebè yóm tau hol geta, bud hefedem le du yóm udin lomi nmoen, mon le, “Là deng udinem du kô bè lem yóm tlu folò buteng béen tagad wen tau mni bè yóm kun dwata duhen ke bè dumuhen tau, tek són béléem gónón mni ne yóm tau smonol du nim udin ni, tódô bot elem tum sol gónó le kmukub kem liyun? Là yó du kô udinem?” Bnalà yóm tau hol geta se, monen, “Igò sem yó du udin kem tau Mid ne kem tau Pérsya, udin là gbek tenles du ne là bud gbek kó du.”

Kun Snulat Jan 11:57

Yó gónó le mon du yóm yó, abay se deng ssotu ne atul yó kem geta bè yó kem gel demsù ebè Dwata ne yó kem Farisi. Eles heglalag le ke wen mton du mò ke Jisas, hol tulón le kul anì kenfô le.

Amus 6:5

Tey ye móyô mò sngal mkél bè yóm tehe nmò Dabid, omin ye molò du bè yóm gel kenbit ye.

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Isaya 10:1

Deng ye golu elem hatay ne kem tau Israél. Là kóen tedeng yóm kukum nmò ye. Hono kukum hemgnok yó kem dou tau.

Kehedem Tau Tmolok 3:16

Sotu bud tonu talak tonok, bè yóm gónó le gel skukum, deng eles nô bè yó ne yóm sidek. Tahu se, yóm gel kkukum le tau, là tedengen.

Kem Lingón 94:20

Laen kô dù kóm du, Dwata, yó kem tau mogot kukum là tedengen, yó kem tau heswì le kogot le kukum.

2 Tutul Israél 29:25

Lemwót yó kem sfu Libay, sù Hisikaya yóm tau hol geta lu bè yóm gónó le gel mdà lem Gónô Dwata, nogot le yó kem gel sendofì le ne yó kem gel huni le. Tódô lolò Hisikaya yóm tehe hlolò Dwata ke Dabid hlanen bè Gad yóm tau gel wen hton Dwata du, ne bud bè yóm sotu tugoden boluyen Natan.

1 Tutul Israél 15:28

Duhen yó, nwit Dabid ne yóm kdéen tau Israél yóm Slungan Dwata ebè Jirusalim, mung du yóm tey kehligal le mensag, lel le myuf yó kem tey féw wen, ne sendofì le yó kem simbal, ne lel yóm tey uni yó kem gel kenbit le.

Kehewà 1:22

Ngangen bud wen udin nmò Faro bè yó kem tau Idyip, yó udin nmoen, monen, “Kdéen ngà logi Hibru lomi sut, gotu bot ye lu elem él Nayl. Okóm yó kem ngà libun, fen hlowil ye lu.”

Kehewà 1:16

“Ke bud ye tmóbóng mwa ngà bè yó kem libun Hibru, hnatay ye ke logi yóm ngà le. Okóm ke libun, hlowil ye.”

Danyél 3:11

Ke wen tau mulé du yóm udin yó, tódô henmung bot elem tum tey dilóf ofi.