Danyél 3:1 - Udél Dwata: Gna Kesfasad ne Lomi Kesfasad

¹ Yó nmò Nibukadnisar wen lennged blówón hmoen, botong lewu folò hitu mitru kegetahen ne mukas lewu mitru sóól kbong lówóhen. Hdaen bè prubinsya Babilun bè yóm datal boluyen Dura.

Danyél 3:1 Referans Kwoze

Hbakuk 2:19

Hatay ye se kuy kem tau gel mudél bè yóm koyu lennged là mudélen. Gel mon ye, ‘Btiki,’ duhen ke bud mon ye bè yóm botu, ‘Mdai.’ Wen kô gbek htonen kuy yóm dwata lenbù nmò yó? Déke olo le lemafin du blówón bukay ne tahu blówón, okóm laen dù klowil nô du.

Isaya 46:6

Wen se yó kem tau tódô hmò le yóm kul dwata. Kok le yóm sning gónó le hemsù filak tahu blówón le ne filak mgel le, omin le tmimbang yóm keblaten. Glok le mayad yóm tau hulung temwél mò temwél yóm dwata blówón. Timbow deng, omin le mtud bukol bè soluhen ne tmaba le ebéléen.

Kul Nmò 19:26

Deng ton ye se, ne deng gungol ye yóm kun nmò yóm tau boluyen Pol. Yó gel monen, yóm dwata lenbù nmò tau, sundu tahu Dwata du. Deng tey dê tau hemtahu du yóm toloken yó, là olon bè ni du bè Ifisus, deng dô lengeben klamang prubinsya Asya.

Kul Nmò 17:29

Ne tahu se yó,” mon Pol, “kaem mkél tekuy béléen. Yó gónóhem mon, bê tekuy tô hendem yóm Dwata ke mkél bè yóm lennged nmò tau lemwót bè blówón mélél duhen ke bè blówón bukay duhen ke bè botu, yóm olo nmò tdok tau.

Isaya 2:20

Bè yóm kdaw yó, tódô gotu bot le yó kem dwata lennged lenbù nmò le gu bè tahu blówón ne bè blówón bukay. Tódô gbayà bè yó kem ungé ne bè yó kem kebeg.

Kem Lingón 135:15

Yó kem kul dwata lennged yó kem tau bè tólóng benwu, gel nmò le bè blówón bukay ne tahu blówón, hono nmò tdok tau.

1 Bok Kem Tau Hol Geta 12:28

Duhen yó, lemwót bè yóm kehlau le du yó kem tau gel hmau du, wen lewu safì tahu blówón nmò Jirubuam. Yó monen mò yó kem tau, “Ó kem tau Israél, bê ye abay bud hliteg mógów ebè Jirusalim ne na a tmaba Dwata bè yó. Ni dé yó kem dwata lennged tehe lemwà kuy gu bè Idyip.”

Danyél 5:23

Deng mom natuem yóm Dwata nô bè longit lanem hangay yó kem tegayan tehe nô lem yóm kun Gónô Dwata. Deng ye mom minum tifas grép lemen yó kem genlalem ne yó kem yehenem ne yó kem libun tódô nmuhem yóm igò ye dmóyón yó kem dwata nmò ye lemwót bè blówón bukay ne bè tahu blówón ne lemwót bè tembaga futì ne lemwót bè bala tók ne lemwót bè koyu ne bè botu, kem dwata là mton ne là mungol ne laen dù tngón le. Okóm là dog nadatem ke Dwata igoen du mogot klowilem ne eles tngónen yóm gónóm e kól.

Danyél 2:48

Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Jirimaya 10:9

Yó kem dwata le yó, gel lenafin le yóm blówón bukay lemwót gu bè benwu Spén ne yóm tahu blówón lemwót gu bè benwu Ufas. Gotu blay le bè yó kem tau wen khulung le mò du. Nnes le yóm nes megem ginggung, yóm nes newel yó kem libun alì hulung mò nes.

Isaya 30:22

Tódô angat gotu bot ye yó kem dwata lennged tehe nmò ye gu bè blówón bukay ne bè tahu blówón. Hol lómón kbot ye fól kmò ye kul. Yó udél ye, “Laen dù bud mu me kuy.”

Dwata 7:25

Gotu dnutung ntem ye yó kem dwata lennged le. Bê ye abay tô niwol yó kem dwata lennged nmò le bè tahu blówón ne bè blówón bukay ne hol bê ye abay tô nwa ke mò kuy. Ke nwa ye, bè yó ne gónó ye gholot abay se tey kenbê Dwata yóm tau tmaba ebè yóm dwata kéng.

Kehewà 32:31

Tahu se, bud semfulék eta bulul Musis bè Dwata, ne monen mò du, “Tey, Dwata, deng gedlug ksideken yóm salà nmò le ni kem tau ni. Deng wen dwata lennged nmò le lemwót bè blówón ne tmaba le ebéléen.

Deng Hegfan 9:20

Bong yó kem tau dù tebel, yóm là matay le bè yó kem hlayam yó koni, là se kem dog knogol le du yó kem dwata kéng gel nmò le. Ne là kô kó le du yóm kehtahu le bè yó kem busaw. Ne là se dog kó le du snéen yóm kehtahu le bè yó kem dwata lennged nmò le gu bè blówón mélél ne gu bè blówón bukay ne gu bè botu ne gu bè koyu. Ni kem hentahu le ni, là kô le mton ne là kô le mungol ne là kô le mógów.

Danyél 3:30

Ominen lemwót yóm tau hol geta yó, hegetahen glal le Sadrak ne Misak ne Abidnigu bè yó bè prubinsya Babilun.

Istér 1:1

Wen sotu tau tehe hol geta mogot yóm benwu Pérsya boluyen Sérksis. Yó kwen prubinsya nogoten, botong lematu lewu folò hitu. Lenwóten bè benwu Indya yóm benwu fi dmata kdaw efet kól etu bè benwu Sudan yóm benwu fi leged. Bè yó bè syudad Susa yóm yê yó kem syudad snakuf Pérsya, gónón myón kmamal Sérksis.

Danyél 3:14

yó udél Nibukadnisar ebélê le, monen, “Tahu kô, Sadrak ne Misak ne Abidnigu, là kô hentahu ye du kun yóm dou dwata ne là kô ye tmaba ebè yóm lennged blówón deng hdau?

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.

Husiya 2:8

Là kô dog hendemen du yóm libun yó ou se gónóhen gu lemwót yóm halayen ne tifas grépen ne hnolo uliben dalang se yó kem tey blówón bukayen ne yó kem tahu blówón gel blayen ke sok tmaba ebè Baal.

Danyél 2:49

Wen hni Danyél bè yóm tau hol geta anì nmoen le Sadrak ne Misyak ne Abidnigu mò mogot yóm kdéen nmò bè yó bè prubinsya Babilun. Okóm ke Danyél kun, tódô hlós nô bè yó bè fsinà bè gónô bong yóm tau hol geta.