Danyél 2:9 - Udél Dwata: Gna Kesfasad ne Lomi Kesfasad

⁹ Ke là tulón ye du dou yóm knahu tek sotu kukumu kuy. Deng ssotu atul ye tmulón kéng béléu anì mkó ta ye yóm hatay ye. Okóm ke hol tulón ye do yóm knahu, anì bè yó gónóhu temngón du gbek ye bud tmulón du do snéen yóm hnigaden.”

Danyél 2:9 Referans Kwoze

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Istér 4:11

“Yóm udin bè nim benwu ni, ke wen tau logi duhen libun lembù mógów ebè tum tau hol geta na a ston du ke là deng tinoken du, tódô hnatay le. Laen dù tau bè klamang nim benwu nogoten ke là deng tngónen du yóm udin ni, lenwóten bè yó kem tau gel hmau du kkólen bè yó kem tau hkawang bè prubinsyahen. Són gónón là matay ke dugol yóm tau hol geta ebéléen tum tuged blówón gel nogoten. Blaem deng sbulónen ni ne yóm kegenen là deng bud tminok dou yóm tau hol geta.”

Danyél 5:28

Parsin, yó lanen nólól. Deng nólól Dwata ne yóm kóm benwu nogot, hogoten yó kem tau Mid ne yó kem tau Pérsya.”

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Isaya 44:25

Yó kem tau gel temngel ulét hólól, gel hegfanu yóm kul ungel. Yó kem tau gel hen-gawang le kógów blotik, gel hensengu yóm dê gel tulón le. Yó kem tau alì geta hennagì le, gotu gel hegfanu yóm klaen dù gónón e kól yóm kul ketngón.

2 Kurin 2:17

Bélê me kum, là kô me mkél bè yó kem dumu tau tmolok Udél Dwata, són filak gel hnebel le. Tey dê se kem tau mò du yóm yó. Okóm lemwót bè yóm khógów Dwata kum, tey gulit kmò me du yóm hmoen kum, hol lómón ke nô me bè soluhen bè yóm gel ktolok me, yakà deng me tóbóng lówó Krays.

Danyél 5:31

Yó bud tles mogot yóm benwu yó, duhen Daryus yóm tau Mid. Yó deng halay Daryus bè yóm kbut kogoten bè yó, nem folò lewu.

Kem Udél Hlalak Tehe Selumun 12:19

Laen kô dù tul sónen yóm udél tahu, okóm yóm udél kéng tek likóten.

1 Bok Kem Tau Hol Geta 22:22

Mon Dwata se, ‘Mò kmoem du du?’ Yó balaen du yóm mudél yó, monen, ‘Gotu htulónu lu kéng yóm kdéen tugod Ahab.’ Mon Dwata se, ‘Wóyón dé. Yó ne lemwóti, ne nmoem béléen yóm yó.’ ”

1 Bok Kem Tau Hol Geta 22:6

Tahu se, gotu htaba Ahab yó kem tugoden, botong dô fat latu kwen le, ne ominen smólók kul, “Nundugu Ramut-gilyad kô, duhen ke là?” Mon le se, “Nundugem sen, angat tey kehegmò Dwata kóm.”

Danyél 2:8

Yó bud balà yóm tau hol geta kul, monen, “Tngónu se tô hnelen ye, abay se tngón ye hol tahu dohò yóm deng monu yó koni.

Danyél 2:16

Bè yóm kungol Danyél du, tódô kendel mógów ebè yóm tau hol geta ne mni béléen kdaw anì gbeken tmulón du hnigad yóm knahen.