Danyél 2:5 - Udél Dwata: Gna Kesfasad ne Lomi Kesfasad

⁵ Okóm yó udél yóm tau hol geta ebélê le, monen, “Ni sii yóm deng eles hendemu mò nmou bélê ye. Ke là tulón ye du do yóm knahu ne yóm hnigaden, angat nufóku yu ne gotu hegbau gónô ye.

Danyél 2:5 Referans Kwoze

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

Isra 6:11

Yó mò hol hgetu du nim monu ni, ke wen tau smonol du yóm kmò ye du nwa ye yóm koyu hlekel lem gónóen ne hendlà tnelem ye mò tool ye du yóm tau là mimón yó. Dalang se yóm gónóen, gotu genbà ye.

Kem Lingón 50:22

Ni mò hendem ye, yu kem tau là bud hemdem dou. Ke là hnungol ye dou, gotu nséku yu, ne laen dù bud lemwà kuy.

Danyél 2:12

Ya tey sidek kebut yóm tau hol geta yóm kungolen du nim udél le ni. Yó nmoen, gotu hfatayen yóm kdéen tau temngón bè Babilun.

Kem Lingón 58:7

Hol heklanasem lu lómón kekti yóm él bè gónón mékéng tonok. Ne lómón yóm bnes nô bè gónón gel mlan tau, sal gel menes.

1 Samwél 15:33

Okóm yó mon Samwél mò du, “Lemwót bè sudengem, deng tey dê libun laen dù bud ngà le logi. Ne ni, laen dù bud ngaen se kun yóm kóm yê.” Omin Samwél hmatay ke Agag bè yó bè solu Dwata bè Gilgal, tódô gotu heneken lówóhen.

Juswa 6:26

Bè yóm kdaw yó, tey mget yóm olu Juswa eta yóm syudad Jiriku, monen, “Ke wen tau bud mò du syudad nim Jiriku ni, deng megtuled bè Dwata ne yóm tau yó. Ke wen tau bud mò begelen, angat lana béléen yóm ngaen logi twogu. Ke wen tau bud mò yó kem tikeben, angat lana béléen yóm ngaen logi twoli.”

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.