Danyél 2:49 - Udél Dwata: Gna Kesfasad ne Lomi Kesfasad

⁴⁹ Wen hni Danyél bè yóm tau hol geta anì nmoen le Sadrak ne Misyak ne Abidnigu mò mogot yóm kdéen nmò bè yó bè prubinsya Babilun. Okóm ke Danyél kun, tódô hlós nô bè yó bè fsinà bè gónô bong yóm tau hol geta.

Danyél 2:49 Referans Kwoze

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Istér 2:19

Bè yóm kdaw yó, wen hogoten ke Murdikay bè gónô bongen yóm tau hol geta.

Amus 5:15

Hol kenbê ye yóm sidek, ne hol henlom ye nawa yóm tedeng. Ne hol hentedeng ye kukum bè gónô skukum. Ngem, déke bud mulék kodu Dwata yó kem dù tauhen tolo mowil bè nim benwu ni, yóm Dwata laen dù là gbeken du.

Istér 2:21

Sotu kdaw bè yóm igò Murdikay tolo mò nmò bè yóm gónô bong, wen sentulón yóm lewu kem tau kafun gel mentey bè bak dól yó kem dfél yóm tau hol geta, boluy le Bigtana ne Térés. Wen lenbut le bè yóm tau hol geta ne tô natul le yóm khatay le du.

Danyél 2:17

Omin Danyél mulék ebè gónóen ne gotu tulónen yó kem ween le Hananiya ne Misyél ne Asariya yóm mò kmoen.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Jirimaya 39:3

Bè yóm gónó le gembà du yóm beng hmilol Jirusalim yó, gónó le gotu mlan yóm kdê genlal bè yó kem sendalù Babilun ne myón le bè yóm gónô kmukum bè yóm bak tikeb bnoluy le Tikeb Gónón Sóól. Yó genlal mógów elemen, duhen Nirgal-sarisér lemwót bè Samgar, ne Nibu-sarsikim yóm sotu geta bè yó kem sendalù, ne yóm sotu Nirgal-sarisér yóm gónón gel mungol hlau yóm tau hol geta, ne tey wen he kem dumu genlal mung kul.

Kem Udél Hlalak Tehe Selumun 28:12

Tey le hligal yó kem tau ke baling kmamal yó kem tau tedeng kmò le, okóm ke kmamal yó kem tau gel mò sidek là kô le hol gliwà yó kem tau knamal le.

Istér 3:2

Wen udél yóm tau hol geta ebè yó kem genlalen anì hol hegfan le yóm kadat le ke Haman mlan bè ktud le bukol bè soluhen. Tahu se, gotu nmò le yóm hmoen kul yó. Tek són Murdikay là kóen móyô mò du.

Danyél 6:2

Ominen bud mélék tlu tau mò hmalak yó kem gubérnor yó ne mò fen temngel yóm bad gel blay le du bè klamang yóm benwu nogoten. Yóm sotu bè yóm tlu kem tau néléken, duhen Danyél.

Danyél 3:1

Yó nmò Nibukadnisar wen lennged blówón hmoen, botong lewu folò hitu mitru kegetahen ne mukas lewu mitru sóól kbong lówóhen. Hdaen bè prubinsya Babilun bè yóm datal boluyen Dura.