Danyél 2:48 - Udél Dwata: Gna Kesfasad ne Lomi Kesfasad

⁴⁸ Lemwót yóm tau hol geta yó, hegetahen glal Danyél ne wen kem tey hyu basahen du. Hogoten ke Danyél yóm klamang prubinsya Babilun ne du nmoen kulu yóm kdéen tau temngón bè klamang Babilun.

Danyél 2:48 Referans Kwoze

Danyél 2:6

Okóm ke tulón ye do yóm knahu ne yóm hnigaden, wen tey tilob angat basahu kuy ne wen tey ofol ye, lelu hegeta kuy. Yó ne, hol tulón ye do yóm knahu ne yóm hnigaden.”

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.

Danyél 5:29

Lemwót bè udél Bélsasar, hesek le ke Danyél yóm nes megem hulô, omin le hmieg du lieg blówón ne henbalingen getlu geta bè yóm benwu yó.

Danyél 5:16

Deng wen tmulón du do gbekem kun tmulón lanen ne gbekem se hemlan yó kem mgel sut bè klowil tau. Ke gbekem semfala du yóm snulat yóó ne ke tulónem do yóm lanen, heseku kóm yóm nes megem hulô gel lesek yóm tau hol geta ne hliegu kóm yóm lieg blówón. Uu se mò getlu geta bè nim benwu ni.”

Danyél 3:30

Ominen lemwót yóm tau hol geta yó, hegetahen glal le Sadrak ne Misak ne Abidnigu bè yó bè prubinsya Babilun.

Danyél 3:12

Okóm, wen kem Ju là mimón du yóm deng monem. Yó boluy le Sadrak ne Misak ne Abidnigu, hono kem tau deng wen hogotem kul bè ni bè prubinsya Babilun. Là kô nimón le kóm, là kô le hemtahu bè yóm kóm dwata ne là kô le tmaba bè yóm lennged blówón deng hdaem.”

Danyél 3:1

Yó nmò Nibukadnisar wen lennged blówón hmoen, botong lewu folò hitu mitru kegetahen ne mukas lewu mitru sóól kbong lówóhen. Hdaen bè prubinsya Babilun bè yóm datal boluyen Dura.

Job 1:3

Botong hitu libu ubihahen ne tlu libu kamélen ne lemibu safien ne limu latu kudà asnu libunen. Tey wen kem tau mò nmò béléen. Bè ktahuhen, bè kdê yó kem tau menwu fi dmata kdaw, du se yóm alì wen kendengenen bélê le.

2 Bok Kem Tau Hol Geta 5:1

Yó boluy yóm kmandér bè yó kem sendalù yóm tau hol geta bè Aram, duhen Naaman. Nim tau ni tey bong boluyen, ne tey nadat yóm tau hol geta bè Aram, abay se lemwót béléen gónó Dwata hegmò yó kem sendalù Aram bè yó kem hohon le. Tey hulung mit sfatay, bede deng mom gemnóm des mifù.

2 Samwél 19:32

Nim Barsilay ni deng tey tuha, deng wolu folò halayen, bede wen kendengenen. Du se tehe bemlay yóm tau hol geta ken bè yóm tehe klóyen ebè Mahanaim.

1 Samwél 25:2

Bè yó bè Maun, wen tau alì kwasa nô bè yó ne wen tonoken nô bè Karmél. Botong tlu libu ubihahen ne lemibu kambingen. Bè yóm kdaw yó tolo nungusen bul yó kem ubihahen ditu bè Karmél.

1 Samwél 17:25

Ne yó mon yó kem sendalù Israél bè Dabid, “Tonem kô yóm tau alì tahà bong sut gu ditu yóó? Yóm tendo mbót tekuy sfatay. Deng wen fasad Sol, yóm tau gembek hmatay du angat wen tey ofol blayen du, lelen bud hyehen du du he yóm ngaen libun. Ne sotun, là kô hbayaden du bwis yóm maen ne yó kem fes lówóhen.”

Lista 24:11

Tódói mulék ne. Deng tehe wen ofol fasadu kóm okóm deng henseng Dwata béléem yóm ofol yó.”

1 Samwél 2:8

Nkayen gu lem kfung yó kem tau élél, nwahen lu gu desenfól yó kem tau laen dù kwa le. Suen lu bè gónó le myón yó kem ngà tau hol geta, bè yóm gónó le myón yó kem tau nadat. Yakà ke Dwata du funen yó kem tud blóngón tonok ne tahen gónón hyón du yóm klamang benwu.

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 8:27

Duhen yó, ou se Danyél hol mton du nim ni ne tey sidek kegbeng lemu, botong hilu kdawu tódô htedek, wen desu. Timbow deng hyu kegnómu du, bud henlelu mò du yóm nmou bè yóm tau hol geta. Okóm là kóen mkó bè nawahu yóm deng tonu ne tey sidek kegbeng lemu, tolo là kô hol tngónu du he ke tedu tennefen tu kem tonu tu.”

Danyél 4:6

Yó gónóhu htaba yóm kdéen tau alì temngón bè Babilun anì tulón le dou hnigad yóm knahu.