Danyél 2:47 - Udél Dwata: Gna Kesfasad ne Lomi Kesfasad

⁴⁷ Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”

Danyél 2:47 Referans Kwoze

Danyél 2:28

Okóm wen Dwata nô bè longit hulung hegfan du yóm gebnos ne mlan bè knahem gónón hegfan du béléem, yóm msut elem hulin kdaw. Ne ni, tulónu kóm yóm knahem ne yóm deng hton Dwata kóm bè yóm igoem hlilil bè gónóm tungô.

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Dwata 10:17

Abay se yóm sana kuy Dwata hol gónó mogot, du se hol Dwata dandónen geta bè kdéen dwata ne hol dandónen mfasang bè kdéen mfasang. Laen kô dù là gbeken du, du se hol knóón bang nimón. Laen dù mtukul nfihen ne là kóen ma mò wa nawahen.

Deng Hegfan 19:16

Wen boluy snulat bè yóm nesen ne bè hahahen snéen, monen, “Yóm Hol Geta bè kdéen tau hol geta ne yóm hol gónó le mogot yó kem kdéen mogot.”

Deng Hegfan 17:14

Angat le gotu mit sfatay bè yóm Ngà Ubiha, okóm laen kô dù gmò le béléen. Ne yó kem tau mung bè yóm Ngà Ubiha, lu se yó kem tau tehe tnabahen, deng tehe néléken, tau là monol nawa le bè yóm klolò le du. Angat le matù, abay se yóm Ngà Ubiha, du se yóm hol gónó le mogot yó kem kdéen mogot, ne du se yóm Hol Geta bè yó kem kdéen tau hol geta.”

Deng Hegfan 1:5

Ne yóm Jisas Krays, tey gsalig yóm gel tulónen. Du se yóm hol geta bè yó kem deng hlowil Dwata gu lem hatay. Bud du se kmamal yóm kentihen tau hol geta mogot benwu talak tonok. Tey kbong nawahen tekuy, gloken hamà yóm kun litô bélê tekuy mò lanen lemwà tekuy gu lem salà

1 Timuti 6:15

Bè yóm kesfuléken yó, kun buteng du Dwata. Tek són du fen mogot yóm klamangen, ne tey hyu kogoten du. Du se hol geta bè kdéen tau hol geta, du se gónó le mogot yóm kdéen gónó mogot.

Danyél 2:37

Ne uu se yóm tau hol geta hol geta senta yó kem dumu tau hol geta. Yóm Dwata nô bè longit, du se hlamang yóm benwu nogotem ne bemlay kóm kfasang ne yóm kgisem mogot benwu. Ne bud du se htótól boluyem.

Kem Lingón 136:2

Hol dóyón tekuy yóm Dwata bè kdéen dwata, Laen kô dù tul sónen yóm kbong nawahen tekuy là monolen.

Kem Lingón 82:1

Dwata se fen kmukum bè longit, knukumen yó kem tau mogot kukum te tonok.

Kem Lingón 72:11

Tódô kdéen tau hol geta bè klamangen benwu, angat le gotu mtud bukol bè soluhen. Tódô kdéen tau bè klamangen benwu, angat gotu mimón du.

Tekang Kbuten 41:39

Ominen mon du mò ke Jusif yóm Faro, “Deng gotu hetngón Dwata kóm yóm kdéen ni. Yó gónóm mon, laen dù tau ke mkél kóm bè yóm khulungem hedem ne khulungem hemlan.

Danyél 4:32

Wen tódô mlo kóm anì là budi nô lem blóng tau. Tódói nô lem bnes slomong bè yó kem ógóf lem bnes, mungi mótób bnes mkél bè safì. Hitu halayem he gembunù du yóm ni efet nam gtukul Dwata yóm hol geta bè kdéen kmamal du yóm kdê benwu nogot tau ne tles hfogoten benwu yó kem tau deng kun nélék.”

Danyél 4:17

Nim tulónu ni hol kukum lemwót bè yó kem hógów mit tulón, kul kehedeng du yó kem alì mólós. Yó muhen nim kukum ni anì tngón kdéen tau bè klamang benwu tek són yóm Dwata hol geta bè kdéen kmamal du yóm kdê benwu nogot tau ne ket benwu wen tau néléken mò hfogoten du anien ke tau lukoten ke kun kóyô.”

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Danyél 4:25

Angat lo le u anì là budi nô lem blóng tau, tódói nô lem bnes slomong bè yó kem ógóf lem bnes. Segbóti mótób bélê le mkél kótób safì ne sónmoem tendo wos bè amù. Hitu halay kegenem gembunù du nim ni efet nam gtukul són Dwata yóm hol geta kmamal yóm kul nogot yó kem tau ne hfogoten benwu yó kem tau deng kun nélék.

1 Kurin 14:25

Ne angat gotu benkasen lem blóng ye yóm kun kehedem tehe gel bunihen bè tau, ne angat tódô hegluduk, ne dóyónen Dwata, yó udélen, “Tahu nô lem blóng ye bè ni Dwata.”

Kem Lingón 136:3

Hol dóyón tekuy Dwata, yóm tahu gónó mogot bè kdéen gónó mogot. Laen kô dù tul sónen yóm kbong nawahen tekuy là monolen.

Danyél 2:29

Bè yóm igoem hlilil, yó hendemem yóm kmò yóm sut elem hulin kdaw ne yóm Dwata hulung hegfan du yóm gebnos, hegfanen béléem yóm angat msut elem hulin kdaw.

Danyél 2:30

Yó gónó Dwata hegfan du béléu nim kna ni, sundu mon ke alie temngón senta yó kem dumu tau. Là gi. Okóm kóyô Dwata ke hol tngónem hnigaden yóm knahem yó ne ke hol glebetem yóm deng mlan lem hendemem.

Danyél 3:15

Okóm ni, benlayu yu sulék duen. Ke bud gungol ye yóm tey uni féw sguyun mung du yóm kdê dumu huni le ne ke mtud ye uyó bè tonok, laen kô dù gfà ye. Okóm ke là mimón ye, tódô henmung tudà le yu elem tey dilóf ofi tuu. Ke lómón yó, dwata du de tô gembek lemwà kuy lem hólólu?”

Danyél 3:28

Omin Nibukadnisar mon du, “Hol dóyón tekuy yóm kul Dwata le Sadrak ne Misak ne Abidnigu. Deng wen hógówen gu bè longit mò lemwà yó kem tau tóbóng lówóhen smalig béléen. Là nimón le du yóm hlolou kul, mom hyu bélê le he ke matay le olo ke tô le tmaba ebè yó kem tólóng dwata. Tek són kul Dwata nimón le.

Danyél 3:29

Yó gónóm mon, wen udin mget nmou. Bè nim benwu knamalu, ke wen tau balù kihu gónó le gu semfu ne balù kihu benwu le ne balù kihu kay udél le, ke mudél sidek eta yóm kul Dwata le Sadrak ne Misak ne Abidnigu angat nufóku lu, gotu genbau gónô le. Laen kô dù dumu dwata tngónu ke lómón ni kehewaen yó kem kun tau.”

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

2 Bok Kem Tau Hol Geta 5:15

Omin Naaman bud semfulék ebè Ilaysa, mung du yó kem kdê tauhen. Tódô mdà bè solu Ilaysa, ne monen mò du, “Deng hol tngónu ne, laen dù dumu dwata bè klamangen benwu, tek són yóm Dwata yó kem tau Israél. Yó gónóm mon, Sér, hol henmóyóem dou nim basahu kóm.”

Kem Lingón 96:4

Tey mfasang yóm Dwata, tey knóón semdóyón du. Yake wen klikò kuy du senta yóm klikò kuy yó kem dwata kéng.