Danyél 2:46 - Udél Dwata: Gna Kesfasad ne Lomi Kesfasad

⁴⁶ Omin Nibukadnisar tódô mtud uyóhen bè solu Danyél ne tey kdóyónen du. Dóken yó kem tauhen anì wen dsù le béléen ne mtem le insinsu bè soluhen.

Danyél 2:46 Referans Kwoze

Kul Nmò 14:13

Uma moni bè lewà yóm benwu yó yóm gónô Sus. Yó nmò yóm tau fen gel demsù ebéléen, wen kem safì tudu nwiten deng hniegen bulók, hdaen bè bak sut yóm benwu yó mò dsù le ebè le Pol.

Kul Nmò 10:25

Tikóng gdek Pitér, ominen semlong du, ne tódô hegdungul bè tihen.

Isra 6:10

Yó gónóhu hmò du kuy nim ni anì gbek le demsù du bè yóm Dwata bè longit yó kem dsù hol nóyóen, anì yó homong hni le o bè yóm kul Dwata dalang se yó kem ngau logi anì nuyagen mi.

Deng Hegfan 22:8

Ou se Jan, yóm deng gotu mungol du kdê ni kem ni, ne deng gotu tonu snéen. Bè yóm deng kungolu du ne yóm deng ktonu du, tódóe hegluduk klohok ti yóm hógów Dwata deng hegfan du béléu lanu tô dmóyón du.

Deng Hegfan 19:10

Botonge tódô hegluduk klohok tihen lanu tô dmóyón du, okóm mom yó monen mò do, “Bê. Béem nmò yó. Tódô senged kut fen gel tóbóng lówó Dwata. Dalang se yó kem dumuhem setwoli là mkó du nawa yóm ktahuhen tehe gel tolok Jisas kul. Olon Dwata dé hol dóyónem.” Yakà ktahuhen du yóm tehe tolok Jisas, yóm ktahuhen yó tehe gel htulón Dwata yó kem tugoden ekni.

Deng Hegfan 11:16

Omin le lemwót yó kem lewu folò fat tau tuha myón bè solu Dwata, gotu le lemfen bè soluhen, dóyón le Dwata, mon le,

Kul Nmò 28:6

Sónmò yó kem tau mangat kboloken, duhen ke tódô mugod matay bè yó. Tey kegen le mangat du, okóm laen dù hemenen. Bud nili le kehedem le du, hendem le kô du se yóm sotu dwata.

Kun Snulat Luk 17:16

Tódô na a hegluduk klohok ti Jisas, ne tey kdóyónen du. Nim tau ni, là Juhen, tau lemwót bè Samarya.

Danyél 3:5

Kesok gungol ye yóm tey uni féw sguyun mung du yóm kdê dumu huni le, hol tud ye uyó ye bè tonok bè yóm lennged blówón hdà Nibukadnisar, tmaba ye ebéléen.

Danyél 3:7

Tahu se, tikóng gungol le yóm tey uni féw sguyun mung du yóm kdê dumu huni le, gotu tud le uyó le bè tonok yóm kdéen tau, balù kihu gónó le gu semfu, balù kihu benwu le, balù kihu kay udél le, gotu le tmaba ebè yóm lennged blówón hdà Nibukadnisar.

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”