Danyél 2:41 - Udél Dwata: Gna Kesfasad ne Lomi Kesfasad

⁴¹ Yóm hólól ti ne kyemet tonem sbool bala tók ne tonok miket, hnigaden angat mesgólól yóm benwu nogot yóm tau mogot yó koni. Wen ngà kgelen, lómón yóm bala tók tonem sbool bè tonok miket.

Danyél 2:41 Referans Kwoze

Deng Hegfan 17:12

Yó hnigaden yó kem sfolò hanga yóm lóbô yó, duhen yó kem sfolò tau hol geta là deng wen knamal le he ni kmoen ni, okóm angat wen glal kmamal benwu blay le kul anì mung le kmamal bè yóm lóbô tanay sut yó. Bede tek sotu urasen yóm kkamal le yó.

Deng Hegfan 13:1

Ne tódô tonu se yóm sotu ógóf lóbô hesut gu lem mohin. Hitu kuluhen, ne sfolò hangahen. Ne sket wen kuruna bè yó kem hangahen, ne tódô ket kuluhen gónóhen gsulat yóm udél hemnê ke Dwata.

Deng Hegfan 12:3

Ne wen sotu bud hentaw ton tonu ditu te kmawang. Wen tey klambaden swaga hulô tonu, hitu kuluhen, ne sfolò hangahen. Ne sket wen kuruna yó kem hitu kuluhen.

Danyél 7:24

Yóm sfolò hangahen, hnigaden yóm sfolò kem tau hol geta fen mogot yóm benwu yó. Ominen hesut yóm sotu tau hol geta ne tey stólóng bè yó kem dumuhen gna sut. Ne tlu bè yó kem tau hol geta gna sut, gotu ndaen lu e laan.

Danyél 7:7

Kogolen bè yó, ominu bud mton yóm hton Dwata béléu, bud hesut yóm gfat ógóf lóbô hol ógóf gónó likò, botonge kenkel mton du ne tey sidek kekgisen. Yóm nihihen hono bala tók lembang. Ya tey sidek kséken du yóm kenfóen ne yóm dù tebel gotu ndaen elem tonok. Tey stólóng bè yó kem dumu gna ógóf lóbô ne botong sfolò hangahen.

Danyél 2:40

Kogolen bè yó, wen gfat bud mogot benwu, tey mbegel yóm kogoten hol lómón ke bala tók. Yó gónón hlingón du bè bala tók, abay se gbeken lemusok du kdéen. Yóm tau hol geta ni hol lómón ke bala tók, gbeken lemusok du yó kem tau gna mogot, gbeken lemuna kul.

Danyél 2:42

Wen se mbegel du lómón bala tók ne wen se là mbegelen lómón ke tonok miket.