Danyél 2:4 - Udél Dwata: Gna Kesfasad ne Lomi Kesfasad

⁴ Omin le malà yóm tau hol geta yó kem tau hemgawang, bede bè udél Aramik, mon le, “Hol tahà he klowilem. Tulónem kum yóm knahem anì tulón me kóm yóm hnigaden.”

Danyél 2:4 Referans Kwoze

Danyél 5:10

Okóm timbow gungol yóm libun boi yê Bélsasar yóm alì kesekbà le, tódô kendel mógów elem yóm dfél bong gónó le mken. Yó monen mò ke Bélsasar, “Hol tahà he ktauhem. Béi abay alì hlikò bè nim ni ne béi abay bud hbukós.

Danyél 3:9

Yó mon le mò ke Nibukadnisar yóm tau hol geta, “Hol tahà he ktauhem.

Isaya 36:11

Omin le mudél le Ilyakim ne Sibna ne Juwa, mon le mò du, “Yake udél Aramik dé udélem ebélê me, abay se deng tngón me se kum. Béi mudél Hibru, abay se gotu gungol yó kem tau myón bè beng yóó.”

Danyél 6:21

Bnalà Danyél se, monen, “Hol tahà he ktauhem.

Danyél 6:6

Tahu se, yó nmò yó kem tau yó slomong le mógów ebè yóm tau hol geta, mon le mò du, “Hol tahà he ktauhem, Daryus.

1 Bok Kem Tau Hol Geta 1:31

Omin Batsiba hegdufok ebè seel bè solu Dabid, ne monen, “Yake laen dù sónen yóm klowilem Dabid yóm dou gónó mogot.”

Matyu 21:9

Tódô le gotu mensag yó kem tau tukô gna du ne yó kem fen tukô huli du, mon le, “Hol dóyón tekuy yóm semfu bè yóm tehe Dabid. Dwata he hol tmóbóng du nim tau deng hógówen ni. Hol dóyón tekuy dé Dwata.”

Danyél 5:8

Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 4:19

Bè yóm kungol Danyél du yóm kna yóm tau hol geta, (yóm Danyél bnoluy le Béltisasar) nan tódô neb bà sekteb ke mudél, botong likò bè yó kem deng sut lem hendemen. Yó udél yóm tau hol geta ebéléen, monen, “Ó Béltisasar, béem heblat nawam mlan bè yóm knahu ne bè yóm hnigaden.” Bnalà Béltisasar se, monen, “Yake ebè yó dé kem hohonem gónón e gbak hnigad yóm knahem, bè yó kem tau kmutó nawa kóm béen mom ebéléem.

Danyél 4:7

Tikóng le gdek yó kem tau demwata ne yó kem tau mton bù ne yó kem tau gel hemgawang tulónu kul yóm knahu, okóm là gbek le tmulón du dou yóm hnigaden.

Isaya 44:25

Yó kem tau gel temngel ulét hólól, gel hegfanu yóm kul ungel. Yó kem tau gel hen-gawang le kógów blotik, gel hensengu yóm dê gel tulón le. Yó kem tau alì geta hennagì le, gotu gel hegfanu yóm klaen dù gónón e kól yóm kul ketngón.

Nihimaya 2:3

bnalau se, monu, “Hol tahà he ktauhem. Moen se ke là lenbang nawahu du yóm syudad tehe gónó le lembeng yó kem tehe fuu, hanà tolo gebà ne yóm bak tikeben deng gotu mlób?”

1 Bok Kem Tau Hol Geta 1:25

Abay se nim kdaw ni, deng tey wen kem safì ne kem ngà safì mabù ne kem ubiha dsuen. Deng gotu tinoken yó kem ngaem logi, ne Juab yóm kmandér bè yó kem sendaluem, ne Abyatar yóm tau gel blóng ebè Dwata, ne efet ni he tolo tey kehligal le mung béléen mken ne minum. Lel ni tey hensag le, mon le, ‘Hol tahà klowil Adunadya yóm tau hol geta.’

1 Samwél 10:24

Ne yó udél Samwél ebè yó kem kdéen tau, monen, “Ni se yóm tau deng nélék Dwata. Laen dù bè yó kem tau Israél mkél du.” Ne gotu le mensag yóm kdê tau, mon le, “Hol tahà he ktauhen yóm tau hol geta.”

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Tekang Kbuten 31:47

Yó boluy Laban du bè udél Aramik yóm botu luduk le yó, Jigar Saharduta. Ne yó kun boluy du Jakub bè udél Hibru, Galid.

2 Bok Kem Tau Hol Geta 18:26

Omin le mudél le Ilyakim ngà Hilkaya ne Sibna ne Juwa ebè yóm kmandér yó, mon le mò du, “Yake udél Aramik dé udélem ebélê me, deng tngón me se kum. Béi mudél udél Hibru, abay se gotu gungol yó kem tau myón bè beng yóó.”

Danyél 1:4

Yó monen mò du, “Nélékem yóm hyu klówó le ne knóón le logi, kem tau hulung hedem ne kem tau temngón ne mahil le megtolok ne yóm wen kenhulung le bè yóm angat kmò le nmò bè yóm gónô bongu. Tolokem ni kem lomi lemnok ni mudél yóm kut udél kem tau Babilun ne semfala yó kem dê kut snulat.”

Danyél 2:7

Yó bud balà le yóm tau hol geta yó kem tau yó koni, mon le, “Yó ne, hol tulónem kum yóm knahem anì tulón me kóm yóm hnigaden.”

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.

Danyél 6:7

Deng wen sensatul me mi kem tau deng wen hogotem du, kem hmalak ne kem gubérnor ne kem tau sfu tau hol geta ne yó kem fen gel hemlan béléem udél ne yó kem dumu tau deng genlalem ne deng gotu senkotuk me yóm atul nmò me ni. Hyu ke moi kut lomi udin mò lolò yóm kdéen tau nogotem ne hol hgetem anì là gbek le mulé du. Yó udinem bè lem yóm tlu folò buteng, béen tagad wen dumu gónó le mni yó kem tau tek són ebéléem. Là hyuhen ke mni le bè dumu tau ne là se hyuhen ke mni le bè yó kem kul dwata. Ke wen tau là mimón du nim udin ni, tódô bot elem tum sol gónó le kmukub yó kem liyun.