Danyél 2:39 - Udél Dwata: Gna Kesfasad ne Lomi Kesfasad

³⁹ Okóm kogol yóm kóm kogot, bud wen tau tles mogot yóm benwu nogotem, okóm là gsengeden kóm. Bud kogolen bè yó, wen getlu bud mogot benwu, duhen yóm tembaga angat gotu knamalen yóm klamang benwu.

Danyél 2:39 Referans Kwoze

Danyél 2:32

Yóm kuluhen, hono tahu blówón ne yóm kfuhen ne sigelen hono blówón bukay, ne yóm blututen ne hahahen hono tembaga,

Isaya 44:28

Ne ni, wen udélu ebè yóm sotu tau boluyen Sirus, monu mò du, ‘Angat wen tey hogotu kóm ne angat gotu nmoem yóm dou kóyô. Angat uu bud hefdà du yóm Jirusalim ne bud uu mbut hefdà du yóm Gónóu bè yó.’ ”

Danyél 10:20

Yó balaen do, monen, “Tngónem kô yóm nógówu ni? Yó nógówu edini naw e tulón kóm yóm deng snulat lem yóm Bok Gónóhen Nô yóm Ktahuhen. Ke deng ktulónu du kóm, bude semfulék naw e bud mit sfatay bè yóm geta htulus Seitan bè Pérsya. Sok deng yó, ominu bud sfatay bè yóm geta htulus Seitan mogot bè benwu yó kem tau Grik. Laen dù dumu gembek tmóbóng do mit sfatay bélê le tek sónen Maykél yóm hol geta bè yó kem hógów Dwata, mò gel mofin kuy kem tau Israél.” Là gomongen bè nili yóm tsaptér 11. Ni se sfu yóm hton Dwata ke Danyél bè tsaptér 10, duhen yóm angat msut elem hulin kdaw. Yó tulón yóm hógów Dwata ke Danyél, angat hilu latu halayen yóm tendo kessatù le yóm tau hol geta fi leged yóm tau hol geta fi bwak. Senfatay le ke mahil du bélê le mogot yóm klamangen. Tódô senflós le sgida yóm lewu benwu lembang ni, blaem gomong meflayam lemen benwu Israél. Yó angat nmò yóm sotu tau hol geta fi bwak, angat hensengen yóm gel kedsù le ebè Dwata yó kem tau Israél. Tulón yóm hógów Dwata ke Danyél yóm angat kehlayamen yó kem tau Israél yóm sotu tau hol geta fi bwak.

Danyél 8:20

Yóm ubiha logi lewu hangahen, duhen yóm lewu kem tau hol geta mogot yó kem kul benwu nogot yó kem tau Mid ne yó kem tau Pérsya.

Sikaraya 6:6

Yóm klitun tók dyol kudà hitem fen mógów ebè yóm benwu fi bwak ne yóm klitun tók dyol kudà bukay fen huli du. Ominen yóm klitun tók dyol kudà kebting fen mógów ebè yóm benwu fi leged.”

Sikaraya 6:3

ne yóm getluhen dyol kem kudà bukay, ominen yóm gfaten dyol kem kudà kebting. Bede hono kem kudà kemgis yóm kdê le.

Danyél 7:23

Yó bud monen mò dou yóm hógów Dwata yó, “Yóm gfat ógóf lóbô yó, hnigaden yóm gfat angat sut mò mogot yóm klamangen benwu ne tey stólóng bè yó kem dumu mogot benwu. Gotu somoken yóm klamang benwu, gotu ndaen ne gotu lenunahen ke wen dù tebel.

Danyél 2:38

Gotu hkamalen kóm yó kem tau bè klamangen benwu. Là són du tau knamalem, bud gotu homong hkamalen kóm yóm kentihen ógóf lem bnes ne kentihen onuk koyu, gotu hkamalen kóm. Uu se yóm kulu blówón tonem yó.

Danyél 2:40

Kogolen bè yó, wen gfat bud mogot benwu, tey mbegel yóm kogoten hol lómón ke bala tók. Yó gónón hlingón du bè bala tók, abay se gbeken lemusok du kdéen. Yóm tau hol geta ni hol lómón ke bala tók, gbeken lemusok du yó kem tau gna mogot, gbeken lemuna kul.

Danyél 8:21

Yóm kambing logi, duhen yóm benwu kul nogot yó kem tau Grik. Yóm hanga bong mteg lem blóng matahen, duhen yóm hol tanay tau hol geta kmamal yóm klamang benwu nogot yó kem tau Grik.