Danyél 2:30 - Udél Dwata: Gna Kesfasad ne Lomi Kesfasad

³⁰ Yó gónó Dwata hegfan du béléu nim kna ni, sundu mon ke alie temngón senta yó kem dumu tau. Là gi. Okóm kóyô Dwata ke hol tngónem hnigaden yóm knahem yó ne ke hol glebetem yóm deng mlan lem hendemem.

Danyél 2:30 Referans Kwoze

Tekang Kbuten 41:16

Omin Jusif malà du, monen, “Là. Tek són Dwata gembek tmulón du kóm lan yóm knahem anì hol gsengel nawahem.”

Kul Nmò 3:12

Timbow ton Pitér yó kem tey tau sguku ebélê le yó, ominen mon du mò kul, “Ó kem dumuhu tau Israél, moen de ke alì hentaw ye yóm deng kgógów nim tau tehe kihod ni? Mò ye alì hemtaw temngel kum du? Ilóem ofo kuy kô ke lemwót bè kum kegbek yóm kmò me du nim ni, duhen ke lemwót bè kum kehyu kmò? Là kô yó du.

2 Kurin 4:15

Yó se gónó me hembala du yó kem mgel gel sut bélê me mò lan me tmóbóng kuy. Abay se ke sónmoen temnù tau tnóbóng Dwata, sónmoen se temnù tau dmóyón du. Yó se sotu alì gónón megdóyón Dwata.

Sulat Pol Ebè Yó Kem Tau Hemtahu Bè Rom 8:28

Deng tngón tekuy se, balù kihu sut bè klowil tau, sal gel nmò Dwata gónón hyu bè yó kem tau kembong nawa du. Lu se yó kem tau deng tnabahen, yakà wen muhen kul.

Mark 13:20

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, laen kô tau bud mowil te tonok.

Matyu 24:22

Okóm lemwót bè yóm kkodu Dwata kul yó kem tau deng néléken, yó gónón là hol hegen du yóm alì hlayam yó. Ke hegenen, bà sotu ke wen tau bud mowil te tonok.

Amus 4:13

Yakà Dwata se mò kul yó kem bulul ne dmimun du yóm lenos. Ne eles gel hetngónen bè tau yóm gel hendemen. Gbeken hembaling du kifu yóm layag hlafus. Du se gel mógów ta yó kem tey bulul bè klamangen benwu. Yó boluyen, duhen yóm sana Dwata hol gónó mogot, yóm Dwata laen dù là gbeken du.

Danyél 2:49

Wen hni Danyél bè yóm tau hol geta anì nmoen le Sadrak ne Misyak ne Abidnigu mò mogot yóm kdéen nmò bè yó bè prubinsya Babilun. Okóm ke Danyél kun, tódô hlós nô bè yó bè fsinà bè gónô bong yóm tau hol geta.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Isaya 45:4

Deng néléku u mò tmóbóng yó kem tau Israél, yó kem tau deng néléku mò tóbóng lówóhu. Tey kehegetahu kóm, balù yóm là ketngónem dou.

Kem Lingón 139:2

Deng gotu tngónem yóm kdê nmou, ne yó kem angat hendemu, deng eles tngónem.

Danyél 2:47

Yó udél yóm tau hol geta ebè Danyél, monen, “Hol tahu duhen yóm Dwata gónóm mogot. Du se Dwata yóm kdéen dwata ne du se gónó le mogot yóm kdéen tau hol geta, gbeken hegfan du bè tau yóm là glileb du. Yó gónów temngón du yóm ni, abay se gbekem hegfan du yóm là glileb du ni.”