Danyél 2:3 - Udél Dwata: Gna Kesfasad ne Lomi Kesfasad

³ ne yó udél yóm tau hol geta ebélê le, monen, “Wen knahu ne tey sbeweg kegnómu du. Móyóe temngón du yóm knahu ne ke tedu hnigaden.”

Danyél 2:3 Referans Kwoze

Tekang Kbuten 41:15

Timbow kól béléen Jusif, mon Faro mò du, “Wen knahu, okóm laen dù tau gembek tmulón du dou lanen. Deng wen tmulón du dou gbekem tmulón lan kna kun.”

Tekang Kbuten 40:8

Mon le se, “Sket kum wen kna me ne laen dù tau bè ni gembek tmulón du kum lanen.” Mon Jusif se mò kul, “Són Dwata gónón lemwót yóm khulung tau tmulón lan kna. Tulón ye dou kun yóm kna ye yó.”

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.

Danyél 2:1

Bè yóm gewu halay Nibukadnisar mogot yóm benwu Babilun, wen kem knahen ne tey sbeweg kegnómen du, botong là kóen gtungô.

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.