Danyél 2:25 - Udél Dwata: Gna Kesfasad ne Lomi Kesfasad

²⁵ Omin Ariyuk kendel mit ke Danyél ebè yóm tau hol geta ne yó udélen ebéléen, “Wen sotu tau tonu mung bè yó kem tau negef lemwót bè Juda, gbeken tmulón du kóm kun hnigad yóm knahem.”

Danyél 2:25 Referans Kwoze

Danyél 6:13

Omin le tmulón du yóm tau hol geta, mon le, “Yó se nmò Danyél yóm sotu tau negef lemwót gu bè Juda, là kô nimónen kóm dalang se yóm udin deng femahem. Tódô henlelen mni bè yóm kun Dwata na tlu duléken sendaw mò du.”

Danyél 5:13

Tahu se, nwit le ebè yóm tau hol geta Danyél ne yó monen mò du yóm tau hol geta, “Uu kô Danyél, yóm sotu tau lemwót gu bè Juda yóm tehe gomong negef mau Nibukadnisar?

Danyél 1:6

Yó kem ngà logi nélék le yó, wen fat bélê le lemwót bè ból Juda, duhen Danyél ne Hananiya ne Misyél ne Asariya.

Kehedem Tau Tmolok 9:10

Nô kihu nmoem, hol hotuhem gelem mò du. Abay se kesoki kól bè benwu yó kem tau matay, laen kô dù bud nmoem, ne laen se kô dù bud natulem, ne laen se kô dù bud ketngónem, ne laen se kô dù bud khulungem hedem.

Kem Udél Hlalak Tehe Selumun 24:11

Béi hengayà hewà du yóm tau golu etahen hekawang yóm hatay ne dalang se yóm tau són khatay du duen.

Tekang Kbuten 41:14

Bè yóm kungol Faro du yóm yó, tódô kendel hangayen Jusif lem gónô blanggù. Tahu se, kendel heslò hewà le Jusif lem gónô blanggù. Yó nmò Jusif nan gna nki bngeten ne tenlesen nesen, ominen yó mógów ebè Faro.