Danyél 2:23 - Udél Dwata: Gna Kesfasad ne Lomi Kesfasad

²³ Tey kdóyónu kóm, Dwata yóm Dwata yó kem tehe fuu, abay se deng benlayem o khulung hedem ne deng hekgisem o. Deng bnalaem yóm hni me béléem ne deng hegfanem bélê me yóm kna yóm tau hol geta.”

Danyél 2:23 Referans Kwoze

Danyél 2:18

Hefnihen lu bè yóm Dwata nô bè longit anì knoduhen lu ne hegfanen bélê le yóm kna yóm tau hol geta là tngón dumu tau du anì là gomong le matay bè yó kem dumu tau temngón bè Babilun.

Kehewà 3:15

Tulónem yó kem tau Israél ou se yóm sana Dwata hol gónó mogot, yóm sana Dwata yó kem tehe fù le Abraham ne Isak ne Jakub. Ou se yóm hógów kóm ebélê le. Yó se yóm dou boluy efet kól bè laen dù tul sónen. Yó se yóm angat bud gel taba le do yó kem lugod le elem hulin kdaw.

Kun Snulat Luk 10:21

Bè yóm keseyón le yó, tey kehefligalen ke Jisas yóm Tulus Dwata, yó monen, “Ó Mà, uu se yóm mogot longit ne tonok. Bong kdóyónu kóm, abay se deng wen hegfanem bè yó kem tau laen dù hennagien, okóm bè yó kem tau wen hennagien, là kô heglilebem du bélê le. Duhen yó se, Mà, yóm deng kóm kóyô kehlan du.”

Matyu 11:25

Bè yóm keseyón le Jisas yó, tódô mni bè Dwata, monen, “Ó Mà, uu se mogot longit ne tonok. Tey kdóyónu kóm, abay se deng wen heglilebem bè yó kem tau laen dù tngónen, okóm bè yó kem tau wen tngón le, là kô heglilebem du bélê le.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Isaya 12:1

Bè yóm kdaw yó, angat le lemingón yó kem tau, mon le, “Ó Dwata, tey kdóyón me kóm. Tehe tey kebutem do, okóm là ne ni, deng henyuhem nawahu.

Kem Lingón 50:14

Yó hol hnebelu bélê ye ke tahu duhen yóm keslamat ye béléu, ne ke hol dnohò ye yóm deng fasad ye dou yóm Dwata hol dandónen geta.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Deng Hegfan 5:5

Okóm wen sotu bè yó kem tau tuha mudél ebéléu, monen mò do, “Béi mom mkikem dé. Ngem wen yóm bnoluy le Liyun, yóm semfu gu bè yóm tehe Juda. Bud du se yóm hol tótól tehe semfu gu bè Dabid. Deng matù bè yó kem hmohon du, yó gónón gembek mkó du yó kem hitu dket yóm sulat lenulun yóó, ne gbeken se mból du.”

Deng Hegfan 1:1

Nim bok ni, gotu nô lemen yó kem angat sut talak tonok deng eles hegfan Jisas Krays. Deng gna hegfan Dwata béléen anì tles bud hegfanen bè yó kem tau tóbóng lówóhen. Ne duhen yó, gotu hegfan Krays bè Jan, yóm sotu tóbóng lówóhen, hlanen bè yóm sotu hógówen gu bè longit.

Kun Snulat Jan 11:41

Tahu se, kó le yóm botu seng bè bak lebeng. Omin Jisas temngel eta bè longit, ne monen, “Koduhem, Mà, yóm gel khungolem do.

Kem Udél Hlalak Tehe Selumun 24:5

Mom hyu he yóm tau hulung hedem senta yóm olon kemgis ne yóm temngón senta yóm kemnu.

Kem Udél Hlalak Tehe Selumun 21:22

Yóm tau hulung hedem gbeken muluk ebè yóm kul gónó nô yó kem tau alì hulung sfatay ne genbaen yóm kul gónó heklung alì genléd nawa.

Kem Udél Hlalak Tehe Selumun 8:14

Béléu se gónón gu yó kem atul hyu ne khulung mit du hyu yóm kmò ktau. Ne bud ou se gónón gu yóm khulung temnef ne kfasang.

2 Tutul Israél 20:6

Mni bè Dwata, monen, “Ó Dwata yóm Dwata yó kem tehe fù me, tek són uu se yóm Dwata nô bè longit. Uu se mogot kul yóm kdéen benwu tau talak tonok. Teyi mfasang, ne gotu gbekem kdéen. Laen kô dù gembek kóm.

1 Tutul Israél 29:13

Duhen ni, uu se Dwata me, slamat me béléem, ne dóyón me yóm tey klinggel boluyem.

1 Tutul Israél 29:10

Omin Dabid dmóyón ke Dwata lem blóng yó kem tau deng stifun ebè yó, yó monen, “Ó Dwata yóm Dwata yóm fù me Israél, hol laen dù tul sónen he yóm tendo kdóyón me kóm.

1 Bok Kem Tau Hol Geta 18:36

Bè yóm deng uras kedsù le kimel, lemwót Ilaydya yóm tau tugod Dwata, hloni ebè yóm gónó demsù ne mni bè Dwata, monen, “Ó Dwata, yóm tehe kun Dwata Abraham ne Isak ne Jakub, hol hegfanem udas ni uu yóm kul Dwata yó kem tau Israél, ne ou se yóm tóbóng lówóhem ne deng gotu nmou ni kem hmoem do ni.

1 Bok Kem Tau Hol Geta 8:57

Yó hem sana kut Dwata hol gónó mogot tendo nô bélê tekuy lómón yóm tehe knóen bè yó kem tehe fù tekuy ekni. Hni me béléen anì là kô nan e bayà tekuy,

Tekang Kbuten 18:17

Ne yó hendem Dwata, “Là gbunihu du bè Abraham yóm nmou bè Sodom ni.

Kun Snulat Jan 15:15

Là bud bnoluyu kuy tau dók, abay se yóm tau dók, là kô tngónen du kun yóm nmò yóm gónón mogot. Okóm bnoluyu yu wè, abay se deng gotu hetngónu kuy kdê yó kem deng gungolu gu bè Mà.

Tekang Kbuten 31:42

Ke là elesen tendo mung dou yóm Dwata téméu Abraham ne mau Isak, déke tódô gbekem hulék dou hkawang dilóu. Okóm deng ton Dwata yóm kgelen béléu ne tonen snéen yóm alì kmou nmò béléem ne ebuteng heknahen kóm yóm kfihen dou.”

Kem Lingón 21:2

Deng blayem du yóm kun kóyô. Deng gotu bnalaem yóm hnihen.

Kem Lingón 21:4

Deng mni béléem anì hlowilem, ne tahu se, bnalaem yóm hnihen yó. Laen kô dù tul sónen yóm keblayem du klowil.

Jirimaya 33:3

‘Tmabahi ebéléu ne angat bnalau uu ne wen tulónu kóm yóm alì tennga là deng wen temngón du sut dini elem hulin kdaw.