Danyél 2:19 - Udél Dwata: Gna Kesfasad ne Lomi Kesfasad

¹⁹ Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Danyél 2:19 Referans Kwoze

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Amus 3:7

Okóm yóm Dwata hol dandónen geta, là kô wen tagad nmoen lem blóng ye ke là nan ne eles hegfan du bè yó kem tugoden, duhen yó kem tóbóng lówóhen yóm angat nmoen.

Danyél 7:7

Kogolen bè yó, ominu bud mton yóm hton Dwata béléu, bud hesut yóm gfat ógóf lóbô hol ógóf gónó likò, botonge kenkel mton du ne tey sidek kekgisen. Yóm nihihen hono bala tók lembang. Ya tey sidek kséken du yóm kenfóen ne yóm dù tebel gotu ndaen elem tonok. Tey stólóng bè yó kem dumu gna ógóf lóbô ne botong sfolò hangahen.

Kem Lingón 25:14

Yóm keswè ke Dwata, són yó kem tau wen klikò le du. Lu se gónón hetngón du yóm deng tehe senfasad le yó kem tehe fù le ekni.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Job 4:13

Yó kmoen, wen tonu bè yóm sotu kifu yóm igò le tungô yó kem dumu tau.

Danyél 4:9

Yó monu mò du, ‘Ó Béltisasar, yóm alì hulung bè yó kem tau demwata, tngónu deng htulus le uu yó kem dwata hol mólós ne laen dù gebnos ke là gbekem du. Ni hol tulónem do hnigad yóm knahu.

Danyél 2:22

Gotu hegfanen yóm deng gebnos bè tau ne gotu tonen yóm nô lem gónón kmifu. Béléen hol gónón nô yóm layag.

Danyél 4:26

Okóm yóm tuhod tebel bè tonok, yó lanen angat bud gogotem he yóm benwu ni ke sok deng gtukulem tek són yóm Dwata nô bè longit kmamal yóm klamangen.

Danyél 7:2

Bè yóm kifu yó wen hton Dwata béléu, ou se Danyél hol mton du yóm tey mohin bong ne yóm hol yéen lenos bong mbel gu bè yóm fat gónón gu mbel nan e sentbulù yóm tey mohin bong yó.