Danyél 2:18 - Udél Dwata: Gna Kesfasad ne Lomi Kesfasad

¹⁸ Hefnihen lu bè yóm Dwata nô bè longit anì knoduhen lu ne hegfanen bélê le yóm kna yóm tau hol geta là tngón dumu tau du anì là gomong le matay bè yó kem dumu tau temngón bè Babilun.

Danyél 2:18 Referans Kwoze

Jirimaya 33:3

‘Tmabahi ebéléu ne angat bnalau uu ne wen tulónu kóm yóm alì tennga là deng wen temngón du sut dini elem hulin kdaw.

Matyu 18:19

Ni mò hol sù ye bè nawa ye. Anien ke tek lewu tau mni bè Dwata, ne deng ssotu nawa le mni du yóm hni le, tódô blay Mà bè longit kul yóm hni le béléen yó.

Matyu 18:12

Mò kehedem ye du se kuy? Ke wen tau mfun lematu ubiha, mò kmoen du de ke sotu lana bélê le? Ngem kà nan na tebel du yó kem syóm folò syóm bè yóm gónón hótób kul talak bilil nan e hnebel yóm sotu tabag bélê le.

Kem Lingón 91:15

Ke tmaba le ebéléu, bnalau lu. Ke wen gfà le, elese nô bélê le. Tendo gel lenwau lu, ne tey kadatu kul.

Kem Lingón 50:15

Ke wen gfà ye, tmaba ye ebéléu, lenwau yu mò gónó ye dmóyón dou.”

Malakay 3:18

Omin ye yó he mton du yóm gónón stólóng kbalau yóm tau tedeng ne yóm tau gel mò sidek ne gónón stólóng kbalau yóm tau mimón ke Dwata ne yóm tau là mimónen.”

Isaya 37:4

Deng hógów yóm tau hol geta bè Asirya yóm sotu geta bè yó kem genlalen anì nan e hennê yóm Dwata là matayen. Yake yó hem Dwata gónóhem mogot hol mungol du yóm kehnê le yó anì gotu tnafaken lu. Duhen ni, holi mni kut bè Dwata bè yó kem dù tau tebel bélê tekuy.”

1 Samwél 17:37

Deng lenwà Dwata o lem knugu yó kem liyun ne dalang se bè yó kem bér ne bud lenwaen o snéen lem hólól yóm Flistin yóó.” Omin Sol mon du mò ke Dabid, “Yó ne, lemwóti. Dwata he mung kóm.”

Tekang Kbuten 18:28

Okóm kmoen se ke olon fat folò limu tau mò du yóm tedeng? Ke là gefeten bè limu folò, genlaem kô klamang yóm syudad yó ke tek limu gónón là gefet?” Bnalà Dwata se, monen, “Ke wen fat folò limu tau tedeng nmò le, là kô genlau du yóm syudad yó.”

2 Pitér 2:9

Bè ni kem tulónu kuy ni koni gónó tekuy mton du yóm tey khulung Dwata lemwà yó kem tau gel mimón du ke wen gel gfà le. Ne tnafaken yó kem tau gel mò sidek, bede yó he hol kehdengen du kesok kól bè yóm angat kkukumen tau.

Sulat Pol Ebè Yó Kem Tau Hemtahu Bè Rom 15:30

Wen hol gónóhu htóbóng bélê ye, kem dumuhu setwoli, hlanu bè Jisas Krays yóm gónó tekuy mogot, ne bè yóm kesbong tekuy nawa lemwót bè yóm Tulus Dwata. Yó hentóbóngu bélê ye, hol tnóbóng ye o mni bè Dwata,

Kul Nmò 12:4

Yóm kekfô le ke Pitér, tódô heflós le elem blanggù. Wen fat bung sendalù stufì mentey du, ket na fat yóm kwen le bè yóm sotu bung. Yó tô atul Hirod, sok deng kogol yóm ken bong nmò le bè Kdaw Khius, tô hdaen bè gónón wen bè yóm kkukumen du.

Danyél 3:17

Ke botem se mi elem tum tey dilóf ofi, kaem yóm Dwata kum gónó hemtahu gembek lemwà kum. Lenwaen mi lem hólólem.

Isikél 36:37

Yó bud udél yóm sana Dwata hol dandónen geta, monen, Hyu béléu ke bud wen sotu hni le béléu yó kem tau Israél, duhen yóm kehwenu ból le lómón kwen yó kem tehe ubiha le.

Danyél 2:23

Tey kdóyónu kóm, Dwata yóm Dwata yó kem tehe fuu, abay se deng benlayem o khulung hedem ne deng hekgisem o. Deng bnalaem yóm hni me béléem ne deng hegfanem bélê me yóm kna yóm tau hol geta.”

Danyél 4:26

Okóm yóm tuhod tebel bè tonok, yó lanen angat bud gogotem he yóm benwu ni ke sok deng gtukulem tek són yóm Dwata nô bè longit kmamal yóm klamangen.

Juna 1:9

Bnalà Juna lu, monen, “Tauhe Hibru se do. Yó do gónó hemtahu bè yóm Dwata nô bè longit. Du se tehe dmimun tonok ne mohin.”

Kem Lingón 136:26

Hol dóyón tekuy yóm Dwata nô bè longit. Laen kô dù tul sónen yóm kbong nawahen tekuy là monolen.