Danyél 2:13 - Udél Dwata: Gna Kesfasad ne Lomi Kesfasad

¹³ Lemwót bè yóm udél yóm tau hol geta yó, wen tau dók le anì hnebel Danyél ne yó kem ween anì hnatay le lu.

Danyél 2:13 Referans Kwoze

Isaya 10:1

Deng ye golu elem hatay ne kem tau Israél. Là kóen tedeng yóm kukum nmò ye. Hono kukum hemgnok yó kem dou tau.

Kem Lingón 94:20

Laen kô dù kóm du, Dwata, yó kem tau mogot kukum là tedengen, yó kem tau heswì le kogot le kukum.

Danyél 2:24

Kewót Danyél bè yó, nebelen Ariyuk yóm tau dók yóm tau hol geta mò hmatay yóm kdéen tau temngón bè Babilun. Yó mon Danyél mò du, “Béem abay hnatay lu yó kem tau temngón. Nwitem ou ebè yóm tau hol geta naw e tulón du hnigad yóm knahen.”

Danyél 5:19

Tey kehegeta Dwata du, gotu le likò du yóm kdéen tau bè klamangen benwu, balù kihu gónó le gu semfu, balù kihu benwu gónó le gu lemwót, ne balù kihu kay udél le. Botong setbol kkel le bè soluhen. Gbeken hmatay du kihu nóyô hnatayen ne gbeken se hlowil du kihu nóyô hlowilen. Gbeken se hegeta du yóm sotu tau nóyô hegetahen ne gbeken se mnok du elaan yóm sotu tau nóyô nnoken elaan.