Danyél 12:8 - Udél Dwata: Gna Kesfasad ne Lomi Kesfasad

⁸ Gungolu yóm udélen, okóm là hol getnefu du yóm monen. Yó gónóhu smólók du, “Ó Sér, tedu gónón e kól du yóm kdéen ni?”

Danyél 12:8 Referans Kwoze

Kul Nmò 1:7

Bnalà Jisas lu, monen, “Deng eles tngón Mà yóm kdawen mò du bélê ye yóm snólók ye yó, abay se tek sónen du yóm wen kwalisen mò du. Laen dù tagad kuy hentngón du he.

1 Pitér 1:11

Bè yóm kehnagì le du, hnebel le ke kilón yóm angat kmò Dwata du, ne yóm mò angat kmoen du. Hol ni sem kmoen ni yóm tehe hetngónen kul yóm Tulus Krays nô bélê le. Eles hetngónen kul yóm keglayam yóm Krays, ne yóm kehegeta Dwata du bè kogolen.

Kun Snulat Jan 12:16

Bè yóm kógów Jisas ebè Jirusalim yó, là kô glileb le du yó kem gel lemolò du ke yó tendoken yóm udél tehe hsulat Dwata yó. Okóm kogol yóm kulék Jisas ebè longit, yó he kegbelen bè nawa le deng gotu dohò etahen yóm tehe hsulat Dwata ekni, duhen yó sem deng nmò le béléen.

Kun Snulat Luk 18:34

Okóm yó kem gel lemolò ke Jisas, balù udì ke gtukul le lanen yóm tulón Jisas kul yó. Gbuni bélê le, là kô tngón le du tennefen.

Danyél 12:6

Lemwót yóm sotu, snólóken yóm sotun lómón tô tau kmoen mnes bukay deng mdà te kmawang seblà ta yóm él, monen mò du, “Mò kegenen du ni kem tey sidek sut ni, ominen deng?”

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Danyél 8:13

Ominu mungol yóm lewu hógów Dwata stulón. Snólók yóm sotu, “Ke deng dohò yóm hnigad ni kem deng hton Dwata ni, mò kegenen yóm ketefloken du yóm gel kedsù le ket kdaw? Kegenen se yóm kehegnok le du yóm Gónô Dwata lan le gel hemsù bè yó yóm alì sidek? Kmò kegenen yóm kdaen du e laan yóm Gónô Dwata ne yó kem tau Dwata?”

Danyél 12:7

Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

Danyél 12:9

Okóm yó balaen do, monen, “Yó ne, Danyél, henlósem mò du yóm gel nmoem. Là tagaden dohò he ni kem ni ke là nan na sut yó kem hol són kdaw.