Danyél 12:7 - Udél Dwata: Gna Kesfasad ne Lomi Kesfasad

⁷ Ominen lemwót yóm tau mnes bukay mdà te kmawang fi ta yóm él yó koni, hdaen eta bè longit yóm lewu sigelen ne gungolu yóm udélen smafà bè yóm Dwata laen dù tul katayen, monen, “Yó kegenen, tlu halay bud sóól. Ke deng gesón yóm alì keglayam yó kem kun tau Dwata deng gotu dohò eta le ne ni kem ni.”

Danyél 12:7 Referans Kwoze

Danyél 7:25

Tey sidek udélen eta yóm Hol Geta ne ket kdawen tendo hmayam kul yó kem kun tau. Tô tenlesen yóm kul kdaw gel kehligal tmaba ebè Dwata dalang se yó kem hlau Dwata gel lolò le. Tódô na bayà Dwata lu béléen lem yóm tlu halay sóól.

Deng Hegfan 12:14

Okóm wen hafak blay Dwata du yóm libun yó, lómón hafak yóm banug bong anì tódô móyóng etu bè yóm benwu laen dù tau menwu du, ne bè yó gónón wen tendo semgyok du efet tlu halay sóól. Laen kô dù bud gmoen béléen bè yó yóm swaga.

Danyél 8:24

Tey kemgis, okóm sundu hol kun tahu kegbek du. Angat tey wen genbaen ne kihu nóyô nmoen gbeken. Angat gotu genlaen yó kem wen kegbek le malak dalang se yó kem kun tau Dwata.

Deng Hegfan 13:5

Nim ógóf lóbô ni koni, tódô kem hlun bayà Dwata du yóm alì kehegmónen ne yóm alì kehnéen ke Dwata. Ne na tódô bayà Dwata du snéen yóm kwalisen mogot benwu tlu halay bud sóól.Tey sidek kbaken ebè Dwata, homongen du boluyen ne yóm benwuhen. Dalang se yóm kdê nô bè longit, tey kehnéen kul.

Deng Hegfan 12:6

Kewóten se kun yóm libun yó, mlóy etu bè tum benwu laen dù tau menwu du. Yóm benwu deng eles hentifes Dwata béléen mò gónón semgyok du efet deng yóm tlu halay bud sóól.

Kun Snulat Luk 21:24

Angat wen se bélê le matay bè bak sudeng. Ne wen se bélê le kenfô le mò nit le ebè yó kem dumu benwu mayuk. Ne angat tódô genlà le Jirusalim yó kem tau là Ju le efet kól bè yóm kdaw keteflok Dwata kul.”

Danyél 4:34

Yó udél Nibukadnisar, monen, “Timbow deng yóm hitu halay, lengalae ebè longit. Tódô mulék ebéléu yóm sana kehedemu ne tey kdóyónu ke Dwata, tmabahe ebéléen yóm Dwata hol geta bè kdéen ne tey kadatu du yóm Dwata laen dù sónen yóm kun klowil. Laen dù sónen kogoten tau, balù hilu bud lugoden, sana yó ne yóm kun kogot.

1 Pitér 2:9

Okóm yu kem tau deng hemtahu béléen, deng nélék Dwata yu mò hol kun tau. Yu se yóm henged demsù ebéléen. Yu se kem tau hol kun nogot, kem tau hol nfunen. Deng néléken yu anì hol heglalag ye bè klamangen yóm tey hyu deng nmoen bélê ye. Deng tnabahen yu igò ye tolo nô lem gónón kmifu anì mili ye ebéléen bè tum gónón alì lemayag.

Jirimaya 4:2

ne ke tek són bè dou boluy gónó ye hlan du ke wen safà ye ne ke nbut ye mò du yóm hyu, là mò ye kéng ne ndà ye yóm kukum tedeng, ke yó se nmò ye, yu se gónóhu hlan du yóm któbóngu yóm kdéen tau bè klamangen benwu ne angat le mógów ebéléu yó kem tau yó na le e dóyón yóm dou boluy.”

Dwata 26:19

Ke yó se nmò ye, hegetahen yu senta yó kem dumu but tau deng nifilen ne tey kegdóyón yóm boluyen lemwót bélê ye. Yu se yó kem hol kun tau Dwata, lómón yóm deng fasaden kuy.”

Dwata 7:6

Hol nmò ye nim ni, abay se yóm sana kuy Dwata hol gónó mogot mfun kuy. Bè yóm kdéen tau nô talak tonok, deng néléken yu mò hol kun tau.

Danyél 12:6

Lemwót yóm sotu, snólóken yóm sotun lómón tô tau kmoen mnes bukay deng mdà te kmawang seblà ta yóm él, monen mò du, “Mò kegenen du ni kem tey sidek sut ni, ominen deng?”

Danyél 8:14

Bnalà yóm sotu, monen, “Yó kegenen, ke deng lewu libu tlu latu dulék le angat msó du yóm udas tehe gel kedsù le, sotu hlafus, sotu kimel. Ominen yó he mulék bè sana kehyuhen yóm Gónô Dwata.”

Dwata 32:40

Ou se yóm hol tahu Dwata là matayen. Hdau eta hólólu mò ilô yóm angat kehdohou du yóm angat nmou.

Kun Snulat Luk 21:14

Ne yó eles sù ye bè nawa ye,” monen, “bê ye tnafa nawa yóm angat kmò kbalà ye kul.

Deng Hegfan 4:9

Tey kdóyón le du yóm myón kmamal yó. Ya tey kehegeta le du, ne tey kadat le du, yakà du se yóm laen dù sónen yóm kun klowil. Bè yóm igò le dmóyón du,

Deng Hegfan 4:10

lemwót yó kem lewu folò fat tau tuha, tódô le hegluduk bè soluhen, hasà le bè soluhen yóm kuruna blówón le, ne gbót dóyón le se kul yóm Dwata laen dù tul katayen yó, mon le,

Danyél 10:5

Bè yóm igou temngel tódô tonu yóm tau mnes bukay, hmilet tahu blówón.

Danyél 12:8

Gungolu yóm udélen, okóm là hol getnefu du yóm monen. Yó gónóhu smólók du, “Ó Sér, tedu gónón e kól du yóm kdéen ni?”

Dwata 32:36

Angat lenwà Dwata yó kem tauhen ke tonen yóm klaen dù bud kgis le. Knoduhen yó kem tau mimón du ne tonen là holen bud wen dù tebel bélê le. Yakà deng le gotu meglà, kem tau hesek ne kem tau là hesek le.

Danyél 4:31

Yóm igoen tolo mudél, gungolen se yóm mudél gu bè longit, monen, “Ó Nibukadnisar, wen tulónu kóm. Là bud uu du ne mogot du yóm benwu nogotem.

Danyél 7:21

Yóm igou temngel, lemwót yóm ngà hanga udì yó mit sgida bè yó kem kun tau Dwata ne gemmò bélê le