Danyél 12:6 - Udél Dwata: Gna Kesfasad ne Lomi Kesfasad

⁶ Lemwót yóm sotu, snólóken yóm sotun lómón tô tau kmoen mnes bukay deng mdà te kmawang seblà ta yóm él, monen mò du, “Mò kegenen du ni kem tey sidek sut ni, ominen deng?”

Danyél 12:6 Referans Kwoze

Danyél 8:13

Ominu mungol yóm lewu hógów Dwata stulón. Snólók yóm sotu, “Ke deng dohò yóm hnigad ni kem deng hton Dwata ni, mò kegenen yóm ketefloken du yóm gel kedsù le ket kdaw? Kegenen se yóm kehegnok le du yóm Gónô Dwata lan le gel hemsù bè yó yóm alì sidek? Kmò kegenen yóm kdaen du e laan yóm Gónô Dwata ne yó kem tau Dwata?”

Danyél 8:16

Ne tódô gungolu se yóm taba tau gu bè yóm Él Ulay, monen, “Ó Gabrél, géhél tulónem du hnigaden yóm tonen.”

Deng Hegfan 19:14

Ne gotu le huli du yóm kdéen sendalù bè longit. Gotu le smakay kudà bukay snéen kul, ne gotu le mnes bukay, yóm nes mólós.

Deng Hegfan 15:6

Ne bè yó gónó le gu lemwót yó kem hitu hógów Dwata mit hlayam ete tonok. Sket le lemsek nes sminang alì bukay, ne sket wen nes blówón nô bè kfu le.

Deng Hegfan 6:10

Hgel le udél le, mon le, “Ó Dwata, yóm gónó me mogot, laen kô dù là gbekem du. Uu se yóm laen dù belenen ne laen kô dù kéngen. Kegenen de duen yóm kkukumem yó kem tau te tonok ne yóm ktafakem kul bè yóm tehe kbonok le kum?”

1 Pitér 1:12

Ne bud hetngón Dwata bè yó kem tehe tugoden yó, là bè kul kehyu du yóm hennagì le yó, okóm bè kuy kehyu. Ne tahu se. Yóm tehe gel tulón le yó ekni, deng gel gungol ye se kuy nim kmoen ni lemwót bè yó kem tau gel tmolok bélê ye yóm Tulón Hyu hlan le bè kfasang yóm Tulus Dwata gu bè longit. Yóm kegewà tekuy gu lem hatay, balù yó kem hógów Dwata gu bè longit, tey tô kóyô le temngón du se kul yóm kmò Dwata du.

Ifisus 3:10

Okóm ni kmoen ni, hegfanen yóm tehe bunihen, hlanen bè yó kem tau hemtahu bè Krays, anì hol gfan bè kdéen mfasang wen glalen ditu bè longit yóm tey khulungen hedem Dwata bè kdê nmoen.

Kem Lingón 74:9

Laen dù ton me mò ilô yóm kehewaem kum. Laen dù bud tugodem tebel lem blóng me. Laen dù bélê me temngón du ke kilón kdengen nim glumfak me ni.

Matyu 24:3

Ngang Jisas mógów efet kól bè Bulul Ulib, ne myón bè yó. Omin le mógów ebéléen yó kem gel lemolò du, són lu, snólók le béléen, mon le, “Ó Sér, kilón kdohoen yóm deng tulónem kum yó koni? Tedu de ilô me du yóm bud ksutem ne yóm hol són kdaw?”

Mark 13:4

“Ó Sér, kilón kdohoen yóm deng tulónem kum yó koni? Tedu se mò ilô me du yóm móyón ksuten ni kem monem ni?”

Danyél 12:5

Ominu bud mkay ketngelu, ou se Danyél mon du yóm ni ne wen lewu hógów Dwata tonu mdà sfatà kilil yóm él mlel.

Danyél 12:8

Gungolu yóm udélen, okóm là hol getnefu du yóm monen. Yó gónóhu smólók du, “Ó Sér, tedu gónón e kól du yóm kdéen ni?”