Danyél 12:4 - Udél Dwata: Gna Kesfasad ne Lomi Kesfasad

⁴ Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Danyél 12:4 Referans Kwoze

Danyél 12:9

Okóm yó balaen do, monen, “Yó ne, Danyél, henlósem mò du yóm gel nmoem. Là tagaden dohò he ni kem ni ke là nan na sut yó kem hol són kdaw.

Deng Hegfan 22:10

Ne bud monen mò do, “Béem abay buni yóm kdê eles tulónen bè nim bok ni, abay se móyónen sut ne yóm kdê tulónen yó.

Danyél 8:26

Tey tahu se yóm kdê hton Dwata kóm yó bè yóm kkó le yóm udas gel kedsù le hlafus ne kimel. Okóm béem tagad tulón he ni kem ni, abay se tolo mima he ksuten elem hulin kdaw.

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Deng Hegfan 10:4

Bè yóm kungolu du yóm mon le, tô snulatu, okóm tódô gungolu se yóm bud mudél ebéléu gu bè longit, monen, “Bê. Béem dog snulat ne tu kem mon le tu koni. Hol bunihem.”

Danyél 12:13

Bong kóm du, Danyél, tódô henlósem mò du yóm gel nmoem efet kól bè sónen. Baluen ke matayi, angati bud btik bè yóm hol són kdaw ne gutahem yóm ofol deng hentifes Dwata béléem.”

Isaya 32:3

Yó nmò yó kem tau malak yó, tendo hnénég le ne tendo hnungol le yó kem tau nalak le ke tedu yóm wen mu le du.

Isaya 8:16

Yu kem tau lemolò do, hol ten-gama ye anì là lanahen bélê ye yóm udél deng tulón Dwata do.

Matyu 24:14

Bede nan glalag bè kdéen tau bè klamangen benwu he yóm Tulón Hyu gbak ebè yóm kmò kogot Dwata tau anì hol tngón le, ominen yó he kól yóm hol són kdaw.”

Isaya 11:9

Bè yóm bulul Sayun yó yóm kun bulul Dwata, là kô wen tonem fen hemsidek bè yó, tódô hono hyu kdéen. Bè klamang yóm benwu yó, laen kô dù tau tonem là temngón ke Dwata. Yóm ketngón le ke Dwata tódô lengeben yóm klamang benwu le, hol lómón yóm mohin tódô tfeng él. Là gomongen bè nili yóm bérs 10 kól bè 16. Yó htulón Dwata ke Isaya bè ni kem bérs ni, yóm kmoen bè yóm kdaw deng monen yó koni, yóm gotu bud kógów yóm kdéen but tau talak tonok ebè yóm ból tehe Dabid, duhen yó yóm Misaya, yakà teyen knóón yóm kun benwu. Yó monen bè bérs 11-13, “Bè yóm kdaw yó, ni se yóm gewuhen dulék bud kehfulék Dwata ebè benwu le yó kem tau dù tebel. Gotu bud sentifunen lu yó kem tau Juda deng sekla ebè són tonok. Ominen yó he tódô lana yóm ksélés nawa yó kem tau Israél ne yó kem tau Juda. Là bud le sfatay ne honon lu. Gotu senlomong le yóm kdê sendalù le,” ne gotu nundug le yó kem benwu lenwóten fi dmata kdaw kól desdef. Gotu nwa le kdê kem tonok bè yó kem tau bè Idom ne Muab ne Amun.

Sulat Pol Ebè Yó Kem Tau Hemtahu Bè Rom 10:18

Bede wen snólóku. Là deng gungol kem tau Israél du kô nim tulón ni? Deng gungol le ne. Lómón yóm monen bè Sulat Dwata, monen, “Deng kem tehe gungol kdéen tau te tonok ne. Deng tódô gefet bè klamangen benwu yóm ktulón le du.”

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

Isaya 30:26

Yóm nóng bulón lómón ktatawen nóng kdaw. Ne yóm nóng kdaw alì mkay senta yóm gna gel knóngen. Ni se kmoen bè yóm kdaw angat kbulung Dwata du yó kem tehe halien kuy ne gotu hkóhen lu. Là gomongen bè nili yóm bérs 27 kól bè 33. Bud tulón Isaya yóm angat kkól Dwata mung du yóm tey sidek kebuten yó kem hohonen, kem tau Asirya. Ke uhayen eta le yóm sigelen alì kemgis mit du yóm ofi gónó meglà, mung du yóm hol yéen kulón bong, lel leték ne bulók kulón alì lembang mò na a gemlà kul. Bè yóm keglà yó kem hohon le, gotu le hligal semngal kdê yó kem tau Israél ne huni le yó kem tamburin le ne yóm sotu gel kenbit le. Yó monen bè bérs 33, “Yóm benwu Tufét, benwu gónó le gel mtem deng legen ne eles ketgama le du bè yóm tau hol geta bè Asirya, deng eles wen tey tumfuk koyu luduk le bè yó. Yó mò hdilóf du, yóm nawa gu lem bak Dwata, hol lómón ke ofi gu bè yóm bulul btù.”

Deng Hegfan 5:1

Ne tódô tonu se yóm sulat lenulun nkem yóm myón bè yóm gónón myón kmamal, kemen du sigel kwananen. Wen snulat le tahen ne lemen, ne wen hitu dketen.

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Danyél 12:5

Ominu bud mkay ketngelu, ou se Danyél mon du yóm ni ne wen lewu hógów Dwata tonu mdà sfatà kilil yóm él mlel.

Danyél 8:19

Ominen mon du, “Ni nógówu naw e tulón kóm yóm angat kmoen yóm kdaw angat ksut yóm lebut Dwata. Yó kem deng tonem, hnigaden yóm angat kmoen yó kem hol són kdaw.