Danyél 12:3 - Udél Dwata: Gna Kesfasad ne Lomi Kesfasad

³ Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Danyél 12:3 Referans Kwoze

Matyu 13:43

Okóm kul yó du kem kun tau Dwata, hol lómó angat keslinang le mata kdaw ke sok le deng kól ditu bè yóm benwu nogot Mà le bè longit. Yóm tau wen klinguhen, hol hmungol.”

Kem Udél Hlalak Tehe Selumun 4:18

Yóm kun kmò kógów klowil yóm tau tedeng kmoen lómón ke layag kdaw, són moen minut mtataw efet talak kemdaw.

Kem Udél Hlalak Tehe Selumun 11:30

Lemowil béléen kem dumu tau yóm tau tedeng kmoen ne yóm tau hulung hedem niten ebè Dwata kem dumun.

Hibru 5:12

Tey deng kegen ye hemtahu, yake deng ye kem olò hulung tmolok ne yóm Udél Dwata bè kem dumu ye. Là myó. Hyu ke wen tau na bud tmolok kuy yóm hol tanay dnalang yóm tau hemtahu lemwót bè yóm Udél Dwata. Yó gónóhu e hmingun kuy, hol lómón yóm ngà tolo tmutù. Là deng gbeken du he mken du yóm mgel.

Kun Snulat Jan 5:35

Yóm Jan, hol lómón ke solok, ne tey knóngen. Okóm tek likót ye tô hligal du yóm knóngen yó.

Kun Snulat Jan 4:36

Yóm tau muta, wen ofol blay Dwata du. Ne yó kem nutahen, angat guta le se kul yóm klowil laen dù sónen. Yó gónóm mon, gotu le hligal yó kem tau mehek ne yó kem tau muta.

1 Kurin 3:10

Lemwót bè yóm kenhulung blay Dwata dou, gónóhen mbegel kehdau du yó kem heheken. Bede tólóng tau fen hemdeng du. Ket tau semtóbóng hemdà du yóm gónô yó, yake hol ten-gamahen yóm kmò kehdaen du.

Jirimaya 23:22

Ke yó dum hnungol le ou, deng tulón le ne yóm dou udél bè yó kem dou tau ne heteflok le kul yóm alì kmò le sidek.

Deng Hegfan 1:20

Wen hnigaden ni kem hitu blotik nogotu bè sigel kwananu ni, ne yó kem hitu solok blówón sedà ni. Yó hnigaden ni kem hitu blotik ni, duhen yó kem hitu gel malak yó kem tau hemtahu bè yó kem hitu simbahan monu yó koni. Ne yó hnigaden ni kem hitu solok blówón sedà ni, duhen yó kem tau hemtahu bè yó kem hitu simbahan yó.”

2 Pitér 3:15

Yó gónón ganggà bè yóm kesfuléken edini yóm gónó tekuy mogot, hol kóyóen ke wen lan ye gewà gu lem hatay. Lómón ni se yóm gel snulat Pol ebélê ye, yóm sotu dumu tekuy setwoli, hlanen bè yóm ketngón deng blay Dwata du.

Ifisus 4:11

Bud du se koni gónón e gbak yóm tulón le yóm “kwen kenhulung blayen bè yó kem tauhen.” Wen se kem tau néléken mò aposol. Ne tólóng se tau néléken mò tugoden. Tólóng se gel hógówen mò tmolok bè yó kem tau là dengen hemtahu he. Bud tólóng se tau néléken mò malak yó kem tau hemtahu ne mò fen gel tmolok kul.

Matyu 24:45

“Tau du de yóm gulit kmoen nmò bè yóm gónón mogot ne yóm hulung hedem? Yó se yóm tau tódô gotu hogoten du yóm tau gónón mogot yó kem dumu tau mò nmò béléen mò fen semgifà kul.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Kul Nmò 13:1

Bè yó kem tau hemtahu bè syudad Antyok, wen se bélê le tódô gel tmugod ke Dwata, ne wen se bélê le hulung tmolok. Ni se boluy le: Barnabas, Simyun (yóm niba le Hitem), Lusyus (lemwót bè syudad Sayrin), ne Menain (yóm tehe dumuhen senok Gubérnor Hirod), ne Sol.

Kem Udél Hlalak Tehe Selumun 3:35

Yó kem tau hulung hedem guta le kdóyón tau kul, okóm yó kem tau book mulék le myak.

Isaya 53:11

Kogol yóm alì keglayamen bè yóm klowilen te tonok, angat bud mulék ebéléen yóm tey kligalen. Ne tódô tngónen là kóen gamà hkawang yóm tehe keglayamen, wen uléken. Tey gulit yóm tóbóng lówóhu ne tey kehyu nawahu béléen. Fen nbóen yóm kegtafak tau. Lemwót bè yóm nmoen, yó se mò lanu hmifót salà.

Danyél 12:10

Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

Kehewà 34:35

ne gel ton yó kem tau yóm keslinang lem uyóhen. Ominen yó bud mseng du nes efet le bud stulón Dwata. Là gomongen bè nili yóm bérs 1 efet kól bè bérs 29. Hono hlolò Dwata kul bè yóm Kdaw Kehegnô ne yó kem mò blay le mò ngom yóm kun Gónô Dwata.

Kmukum 5:31

Ó Dwata, yake gotu le matay yó kem hohonem lómón yóm kun katay Sisira. Okóm yóm kul klowil yó kem tau kembong nawa kóm, hol lómón kehyuhen lómón ke btù mata kdaw.” Kogolen bè yó, botong fat folò halayen kegenen menek kbenwu yó kem tau Israél.

Kehedem Tau Tmolok 12:9

Lemwót bè yóm khulungen hedem yóm tau tmolok du nim ni, gotu toloken bè yó kem tau kdê yó kem deng tngónen. Gotu hennagien yóm lan yóm kdéen udél hlalak, ne gotu sentifesen lu.