Danyél 12:13 - Udél Dwata: Gna Kesfasad ne Lomi Kesfasad

¹³ Bong kóm du, Danyél, tódô henlósem mò du yóm gel nmoem efet kól bè sónen. Baluen ke matayi, angati bud btik bè yóm hol són kdaw ne gutahem yóm ofol deng hentifes Dwata béléem.”

Danyél 12:13 Referans Kwoze

Deng Hegfan 14:13

Ne bud gungolu se yóm mudél gu bè longit, monen, “Ni snulatem. Hligal yó kem tau ke matay le bè yóm igò le lemolò yóm gónó le mogot.” Ne ominen mudél se yóm Tulus Dwata, monen, “Tahu se yó. Tey kehligal le kul, abay se deng le gehegnô bè yó kem blat tehe gel nmò le. Yakà dengen eles nô bélê le yóm ulék yóm hyu tehe gel nmò le yó.”

2 Kurin 5:1

Nim lówó tekuy ni, hol lómón ke slung. Ke deng bangen gbà nim slung ni, eles tngón tekuy se angat wen tahu gónó tles Dwata du ditu bè longit, yóm gónó kun nmò Dwata, yóm laen dù tul sónen.

Sikaraya 3:7

“Ni se udél yóm Dwata laen dù là gbeken du, monen, Ke hol nmoem yóm dou kóyô ne ke hol loloem yó kem hlolou kóm, benlayu u kwalis mò mogot yóm dou Gónô dalang se yó kem dumu nmò bè yó. Gbekem tódô mógów ebéléu lómón yóm gel nmò ni kem hógów Dwata mdà bè ni nii.

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Matyu 19:28

Mon Jisas se mò kul, “Tódô tulónu kuy ktahuhen, ke deng kól yóm lomi benwu, ne ke deng bangen myón bè yóm gónóhen myón kmamal yóm Ngà Tau, wen snéen gónó ye myón kmamal bè yó, yu kem sfolò lewu gel lemolò do ni. Angat ye fen mogot kukum bè yó kem sfolò lewu bung tau semfu gu bè yóm tehe Israél.

Kun Snulat Luk 21:36

Yó gónó ye eles hol temgama, ne bê ye senkó yóm tendo gel mni bè Dwata anì gbek ye hembala du yóm kdê tulónu kuy ni, ne angat laen kô dù gónó ye myak sok ye mdà bè solu yóm Ngà Tau.”

Kem Lingón 16:5

Kaem tek són uu, Dwata, ken-gel nawahu. Gotu gel blayem dou yóm wen muhu du. Tódô hogotu kóm yóm klowilu elem haya.

2 Tisalunika 1:7

ne kóhen ta ye yóm gel keglayam ye, dalang se yóm kum gel keglayam. Yó he kmò Dwata du nim ni sok kól yóm gónó tekuy mogot Jisas gu bè longit, mung du yó kem gel hógówen alì mfasang.

Kem Lingón 1:5

Yó gónóm mon, bè yóm kdaw angat kkukum Dwata tau, gotu le golu elem hatay yó kem tau gemsalà. Là kô homong Dwata kul bè yó kem kun tau.

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Kehewà 33:14

Mon Dwata se, “Yó ne bude mung kuy ne bud tendo gel hegmou yu.”

Kem Lingón 16:9

Duhen yó, tey keslamatu béléem, Dwata, ne tey kehyu nawahu. Tódô gnómu yóm kgel nawahu,