Danyél 12:10 - Udél Dwata: Gna Kesfasad ne Lomi Kesfasad

¹⁰ Lemwót bè yóm tey keglayam yó kem tau bè yóm kdaw yó, yó gónón dê tau baling mólós, laen dù bud belen le. Okóm yó kem tau mò sidek tódô hlós yóm kul kmò sidek, là getnef le du kul yóm deng sut lem blóng le. Tek són yó kem tau hulung hedem temngón du.

Danyél 12:10 Referans Kwoze

Deng Hegfan 22:11

Yóm tau mò sidek, tódô henlósen ne yó kem sidek nmoen. Yóm tau là mólósen, tódô henlósen se kun mò du yóm là mólósen. Okóm yóm tau hyu kmoen, hol henlósen sen mò du yóm hyu. Yóm tau laen dù belenen yóm kmoen, hol henlósen mò du yóm laen dù belenen.”

Husiya 14:9

Yó kem tau hulung hedem, gotu tngón le kul yó kem snulat ni. Yó kem tau hulung temnef, tngón le se kul. Tey tedeng yóm kun lan yóm Dwata ne yó kem tau tedeng kmoen yóm gel lemolò du. Okóm yó kem tau gemsalà tlokob le kul, hlós le masà.

Kun Snulat Jan 8:47

Yóm kun tau Dwata, hol hnungolen yóm udél Dwata. Okóm kuy, là kô ye tau Dwata. Yó se gónó ye là móyô hmungol.”

1 Jan 5:20

Ne deng tngón tekuy se yóm tehe kógówen edini yóm Ngà Dwata mò na a hetngón du tekuy yóm hol tahu Dwata. Deng tekuy ssotu ne bè yóm hol tahu Dwata lemwót bè yóm deng kessotu tekuy bè yóm Ngaen Jisas Krays. Du se yóm hol tahu Dwata, ne du se gónón lemwót yóm klowil laen dù sónen.

Kun Snulat Jan 7:17

Yó se tau móyô mimón yóm kun kóyô Dwata,” monen, “dilóen ke lemwót bè Dwata nim toloku ni duhen ke tódô lenbuu.

Kun Snulat Luk 24:25

Ne bud mudél ebélê le Jisas, monen mò kul, “Tey kem tau là hulung hedem nim yu. Tey mima bélê ye hemtahu du kdê yó kem tehe gel tulón yó kem gna tugod Dwata ekni.”

Sikaraya 13:9

Yóm dù mowil yó, angat lómó kmou kul lómón yóm tau tmógó tahu blówón ne blówón bukay bè ofi, gotu kóhen ke wen boolen. Omin le yó tmaba bè boluyu ne angat bnalau lu, monu, ‘Lu se yó kem dou tau’ ne yó mon le se kul, ‘Dwata se yóm sana kum Dwata hol gónó mogot.’ ”

Deng Hegfan 3:18

Yó gónóm mon, wen hlauhu kuy. Bemli ye béléu dé yóm tahu blówón anì hol tahu yóm kwen kendengen ye. Ne bemli ye béléu se yóm nes bukay mò lesek ye anì là myak ye bè yóm kógów ye laen dù nes. Ne bemli ye se béléu yóm bulung mata anì bud ye mton.

Kem Udél Hlalak Tehe Selumun 1:5

Balù yóm tau hulung hedem ne hulung temnef sok gungolen ni kem udél ni, temnù yóm ketngónen ne gbeken se malak yóm kun kmò kógów kehedem.

1 Pitér 1:7

Yó gónón tmilów kuy anì gfan ke hol tahu duhen yóm kehtahu ye duhen ke là. Yóm kehtahu ye, lómón ke yóm blówón gel hlan le bè ofi anì gfan yóm hol tahu duhen. Bong bè yóm blówón, olo kem hlun kimu. Okóm yó dum kehtahu ye, bong muhen senta yóm blówón. Milud he ktilów Dwata du anì tngónen ke hol tahu duhen. Ke là lanahen, tey kdóyónen kuy bè yóm kdaw bud kesfulék Jisas edini, lelen tey hegeta kuy ne tey kadaten kuy.

Isikél 47:11

Okóm yó kem tonok lebu bè hilol kilil él, tódô senflósen héét mò gónó le gel ma kahì.

Deng Hegfan 19:14

Ne gotu le huli du yóm kdéen sendalù bè longit. Gotu le smakay kudà bukay snéen kul, ne gotu le mnes bukay, yóm nes mólós.

Deng Hegfan 19:8

Yó nes hesek le du, duhen yóm nes sminang bukay, yóm nes hol mólós.” (Yó hnigaden yóm nes bukay leseken yó, duhen yó kem nmò hyu gel nmò yó kem tau Dwata.)

Deng Hegfan 16:11

Tey kehtolo le yóm Dwata nô bè longit lemwót bè yó kem tey dê tenduk le ne bè yóm alì kdes bkukang le. Okóm là kô dog knogol le du yó kem sidek nmò le.

1 Pitér 1:22

Lemwót bè yóm deng kimón ye yóm ktahuhen, deng ye baling mólós ne, ne deng wen ne yóm tahu kesbong ye nawa. Hol hewót ye lem nawa ye yóm kesbong ye nawa yó.

Hibru 12:10

Yóm mà tekuy te tonok, són bè yóm hanà tolo kegen tekuy udì yóm gel ktedeng le tekuy. Ne tódô nmò le bélê tekuy yóm kul ketngón du yóm hyu. Okóm tólóng yó dum ktedengen tekuy yóm Mà tekuy bè longit. Gel nmoen bélê tekuy yóm hyu bélê tekuy anì gbót tekuy bè yóm kun klaen dù belen.

Taytus 2:14

Deng fen hamaen yóm kun klowil bélê tekuy anì lenwaen tekuy bè kdéen sidek gónó te gel geskét, ne henbalingen tekuy kem kun tau deng mólós, anì gotu nawa tekuy mò du yóm nmò hyu.

2 Kurin 7:1

Tu se koni, kem dumuhu sogot nawa, yóm deng fasad Dwata tekuy. Duhen yó, gotu kó tekuy ne yóm kdéen sidek gel nmò tekuy, dalang se yóm kdéen sidek gel hendem tekuy anì laen dù bud belenen yóm gel kmò tekuy. Yó gónó tekuy mò du nim ni anì hol gfan yóm klikò tekuy ke Dwata.

1 Kurin 6:11

Tehe wen se bélê ye mò du ekni ni kem monu ni koni. Okóm ni, deng ye baling mólós lan ye hkó yó kem salà ye. Deng ye baling kun tau Dwata, ne deng tedeng ne ktonen kuy hlanen bè Jisas Krays, yóm gónó tekuy mogot ne bè yóm Tulus yóm Dwata tekuy.

Kun Snulat Jan 18:37

Mon Paylét se, “Ke lómón se yó, tauhi hol geta kô?” Bud mon Jisas se, “Tahu se yóm monem yó, tauhe hol geta. Yó se gónóhu sut lem benwu ne hbaling tau anì naw e tulón yóm hol ktahuhen. Yó se tau móyô lemolò yóm ktahuhen, yó se yóm tau móyô hmungol yóm dou tulón.”

Mark 4:11

Mon Jisas mò kul, “Wen yóm là heglileb Dwata du bè yó kem dumu tau bè yóm kmò kogoten tau, okóm deng heglileben kuy. Bong bè yó kem dumu tau, mlan bè hlingón yóm gel ktoloku kul.

Danyél 12:3

Yó kem tau hulung hedem, kem tau nit le kem dumu le ebè yóm lan tedeng, angat tey keslinang le hol lómón yó kem blotik bè longit ne laen dù sónen yóm keslinang le yó.

Isikél 36:25

Angat wen él mólós hetsiku ebélê ye anì baling ye mólós. Nolobu yó kem using ye ne là bud ye tmaba ebè yó kem dwata kéng.

Isaya 1:18

Bud mon Dwata, “Hendeng tekuy ne yóm sentulón tekuy. Deng tódô hitem ktonu kuy lemwót bè yó kem salà ye, okóm angat nolobu yu anì baling ye hol mólós. Anien he ke lómón khitemen using kuleng yóm salà ye, bè yóm kolobu kuy hol lómón kbukay ye yóm snu.

Kem Lingón 107:43

Yó kem tau hulung hedem, hol hendem ye ni kem deng tulónu kuy ni koni. Hol hendem ye yóm là konolen yóm kbong nawa Dwata kuy.

Kem Lingón 51:7

Hol kóhem dou salau anì balinge mólós. Hol denyohem ou anì laen dù bud usingu, balù udì.

1 Samwél 24:13

Lómón yóm gel mon le, ‘Són yóm tau sidek kehedemen yóm tau gel mò du yóm sidek.’ Duhen yó, hol hentahuhem nim monu ni, là kô gbeku du ke hensideku uu.

Malakay 3:3

Yó nmoen, nan e myón kmukum. Yó kmò kkukumen, hol lómón ke yóm tau hnò blówón bukay, gotu kóhen ke wen bolen. Hol lómón yó se angat nmoen bè yó kem sfu Libay, nmoen lu tau laen dù belenen. Yó kmoen du, lómón ke lu yóm tahu blówón ne blówón bukay hnoen anì kóhen ke wen bolen, ngangen efet tódô hono tahu duhen. Ke lómón yó, gbek le bud demsù du ebè Dwata yóm dsù henmóyóen.