Danyél 10:9 - Udél Dwata: Gna Kesfasad ne Lomi Kesfasad

⁹ Ominu mungol du mudél. Yóm khungolu yóm udélen, botong là bude temngón tódóe glokob bè tonok.

Danyél 10:9 Referans Kwoze

Danyél 8:18

Yóm igoen mudél, botong là bude temngón sana kefenu bè tonok. Okóm leninggil Gabrél ou ne tnóbóngen ou, ominu yó bude mdà.

Job 4:13

Yó kmoen, wen tonu bè yóm sotu kifu yóm igò le tungô yó kem dumu tau.

Tekang Kbuten 15:12

Timbow nolunen sdef kdaw, gleket bè Abram yóm tey kengahen tungô. Tódô gnómen yóm tey sidek klikoen lemwót bè yóm tey kget kkifuhen.

Kun Snulat Luk 22:45

Tikóng hebkó mdà Jisas bè yóm gónóhen mni, bud mulék ebè yó kem gel lemolò du. Deng le mom gotu henga tungô lemwót bè yóm alì kegbeng lem le.

Kun Snulat Luk 9:32

Okóm ke Pitér ne yó kem dumuhen, deng le mom gotu henga tungô. Tikóng le dmemen, tódô ton le yóm tey sminang gu bè Jisas ne yó kem lewu tau sedà du.

Job 33:15

Ke kifu bè yóm igò tau henga tungô, wen gel hekna Dwata kul ne wen gel htonen kul.

Tekang Kbuten 2:21

Omin Dwata henga htungô yóm tau yó, ne bè yóm igoen lemnga tódô dilot Dwata béléen sotu tiol lohoken ne kendel hekdimolen yóm ungeden.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Danyél 10:16

Ominen lemwót yóm lómón tô tau ktonu du nduen sumóngu, ominu yó gudél. Yó udélu ebè yóm mdà bè soluhu yó, monu, “Ó Sér, tey sidek klikou du yóm deng hton Dwata do, botonge lenmek.

Hbakuk 3:16

Bè yóm kungolu du yó kem deng tehe nmoem yó, botonge kenkel. Tódô setbol kkel sumóngu, botong klikou. Tódóe lenmek, botonge gluduk lemwót bè alì klikou. Okóm naw hfu imaku mangat du yóm kdaw bud kehwit Dwata du ebè yó kem tau mled benwu me yóm tey glumfak yó ekni.