Danyél 10:7 - Udél Dwata: Gna Kesfasad ne Lomi Kesfasad

⁷ Tek sotuhu Danyél mton du yóm hton Dwata béléu ni. Yó kem dumuhu mung do là ton le du se kul, okóm wen gnóm le ne tey sidek klikò le botong le mlóy mebel gónó le hebnos.

Danyél 10:7 Referans Kwoze

Kul Nmò 9:7

Tódô le htengen mdà yó kem dumu Sol, là kô le dog gudél. Gungol le se kul yóm udél yó, okóm laen kô dù tau ton le.

Kul Nmò 22:9

Yó kem dumuhu mung do,” mon Pol, “ton le se kul yóm tey layag temsang gu bè longit, okóm là kô gungol le du kul yóm mudél ebéléu.

Tekang Kbuten 3:10

Yó balaen du yóm logi yó, monen, “Gungolu uu se yóm kkólem bè ni okóm likoe, henbnosu uu abay se tódóe hlówó.”

Hibru 12:21

Balù Musis bè yóm ktonen du yóm bulul yó, botong monen, “Sidek klikou dou, botonge kenkel.”

Isaya 2:10

Bè yóm kdaw ktafak Dwata kul angat le gotu hebnos bè yó kem kilib bè but yó kem léhék ne yó kem dumu gotu le mokol sol lem tonok mò tô gónó le hebnos. Tô henlóy le yóm tey sidek kebut Dwata kul. Tô henbnos le yóm tey kfasangen ne yóm tey kegetahen.

Jirimaya 23:24

Laen kô dù tau gbek hembnos dou,” mon Dwata. “Tódô tfengu longit gónóhu nô ne tódô tfengu tonok.