Danyél 10:6 - Udél Dwata: Gna Kesfasad ne Lomi Kesfasad

⁶ Yóm lówóhen, hol lómón keslinangen yóm botu alì mebtes. Yóm lem uyóhen, hol lómón keslinangen kal silà. Yóm lem matahen hol lómón ke dilóf solok. Yóm sigelen ne tihen hol lómón ke tembaga deng hló. Yóm udélen, hol lómón kbuleng udél yó kem tey tau sbung.

Danyél 10:6 Referans Kwoze

Deng Hegfan 19:12

Hol lómón ke dilóf ofi yóm lem matahen. Ne tey dê kuruna bè kuluhen. Ne wen boluy deng snulat bè lówóhen, okóm laen dù temngón du lanen yóm boluy yó, tek són du.

Matyu 17:2

Bè yóm knô le bè yó, tódô sfili kton le ke Jisas. Yóm lem uyóhen hol lómón nóng mata kdaw, ne yóm nesen tódô gotu sminang bukay.

Isikél 1:24

Ke móyóng le, yóm uni lefluk le hol lómón ke luk yóm hikong bong ne lómón ke udél yóm Dwata laen dù là gbeken du, ne lómón ke hensag yóm tey sendalù wen. Ke là bud le móyóng tódô bud sentifes le se yó kem hafak le.

Isikél 1:16

Ni kem fat kliling ni hono skél ne sket kul sminang, lómón keslinang yóm botu alì mebtes. Yó kem fat kliling yó, bud wen kliling blekel lemen ket kul na sotu.

Isikél 1:14

Ke sok bang le lemwót lómón ke mkal silà tek sudof, senged se bè yóm kkól le.

Deng Hegfan 21:20

Glimuhen, yóm mon le onik. Gnemen, yóm mon le karnilyan. Ghituhen, yóm mon le kwart mélél. Gwoluhen, yóm mon le bérél. Gesyómen, yóm mon le tupas. Gesfoloen, yóm mon le kalsidoni. Gesfoloen sotu, yóm mon le térkuwis. Gesfoloen lewu, yóm mon le amatis.

Deng Hegfan 10:1

Ominu yó mton yóm sotu hógów Dwata alì kemgis htuntun gu bè longit. Tódô nô lem yóm tey lobun, ne lenéwés hilol kuluhen, ne lem uyóhen hol lómón mata kdaw, ne yóm tihen lómón ke hehek lenébéd dilóf.

Kun Snulat Luk 9:29

Yóm igò Jisas tolo mni, tódô sfili kton le lem uyóhen, dalang se yóm nesen, gotu tódô sminang bukay.

Isikél 1:7

Yóm ti le tódô tedeng lómón ti tau. Okóm yóm hólól ti le lómón kmasing ngà safì, bede tey sminang hol lómón keslinang le yóm tembaga deng hló.

Matyu 28:3

Tey mnóng lem uyóhen yóm hógów Dwata yó, hol lómón ke mkal silà, ne tey sminang bukay yóm nesen.

Deng Hegfan 2:18

“Budi smulat do ebè yóm fen gel malak yó kem tau hemtahu bè Tiyatira, monem mò du, ni se udélen ebélê ye yóm Ngà Dwata, yóm lómón ke dilóf ofi lem matahen, ne yóm tihen lómón keslinangen yóm blówón.” Yó monen,