Danyél 10:3 - Udél Dwata: Gna Kesfasad ne Lomi Kesfasad

³ Balù udì ke mkene yó kem ken mnóm, dalang se utón là kóe mutón, laen se dù tifas grép glo bè sumóngu ne laen se dù hboo tilob lunolu bè lówóhu lem yóm tlu fedyan yó.

Danyél 10:3 Referans Kwoze

Matyu 6:17

Okóm bélê ye kuy, ke gel ye fasting, hyu ke gel ye hgifat mouf ne semwat

Amus 5:11

Gel ndà ye yó kem tau élél ne hennagaw ye yó kem ngà nuta le lemwót bè yóm dê hbayad ye kul. Yó gónóm mon là kô ye na a gnô lem yó kem gónô botu alì tilob deng hdà ye. Là se ginum ye du yóm tifas grép lemwót bè yó kem tey tilob gónó ye hmulu kul.

1 Kurin 9:27

Duhen yó, anien ke wen sidek knóyô lówóhu, tódô hotuhu gelu kembê du anì là gmunge. Ke là hulunge mafas nawahu, là kô gutahu du se yóm ofol angat blay Dwata dou, igoen ou se sotu tau gel tmolok kem dumu tau.

Nahum 2:9

Gotu negef ye yó kem blówón bukay le. Gotu nuku ye yó kem tahu blówón le. Tey kmimu yóm benwu Ninibi là kô gabayem msó du yóm kbong kendengenen.

Danyél 6:18

Ominen mulék ebè gónô bongen. Suloyen buteng là mken ne là se móyóen ke wen nuni le mò gónó le hefligal du. Suloyen se buteng là gtungô.

Job 33:20

Yóm tau wen desen laen kô dù bud óyóen mken, baluen ke tey mnóm yóm ken là kô kenen du.

2 Samwél 19:24

Kewót Mifibusét bè yó se kun bè Jirusalim yóm témê Sol, senlongen Dabid. Lemwót bè yóm kdaw tehe kewót Dabid gu bè Jirusalim, là kô deng noloben du tihen, ne là se kóhen du dumu bngeten, ne là se hfuken du nesen.

Kun Snulat Luk 7:46

Lelen là dog wen hnolo hetwélem te kuluhu, igoen yó sana kut gel kessadat. Okóm deng mom du fen temwél ete tihu yóm hboo alì mebtes.

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.