Danyél 10:2 - Udél Dwata: Gna Kesfasad ne Lomi Kesfasad

² Ou Danyél mon du yóm ni. Bè yóm kdaw ktonu du yóm hton Dwata béléu yó, deng tlu fedyanu ne tendo langag.

Danyél 10:2 Referans Kwoze

Nihimaya 1:4

Bè yóm kungolu du yóm kdéen ni, tódóe hdung myón ne tey kkiku. Botong hilu kdawu lemangag du yóm deng gungolu yó, là kóe mken. Tódô henlelu mni bè Dwata, monu mò du,

Deng Hegfan 11:5

Ke wen tau tô hemsidek kul, tódô hesut gu lem bak le ofi, ne gotu le mlób yó kem hohon le yó. Tódô hatayen yóm tau ke yó tô nmoen hensideken lu.

Sulat Jim 4:9

Hegsel ye ne bè yó kem salà ye, hol ye mkik. Yóm kkuli ye, olò hulék ye bè klangag nawa ye. Yóm kehligal ye, olò hulék ye bè kebang nawa ye.

Sulat Pol Ebè Yó Kem Tau Hemtahu Bè Rom 9:2

Yó tulónu kuy ni, yóm là keskóhen yóm alì ksidek kegnómu du

Matyu 9:15

Ne bnalà Jisas lu, bede hningónen, monen, “Ke wen mò ken, là gbek le du ke là gbót le mken yó kem tau hol bak mulu yóm igoen tolo nô bélê le yóm logi myehen. Okóm angat wen kdawen tódô kwa le du bélê le yóm logi myehen. Yó he kton ye kul fasting.”

Jirimaya 9:1

Hyu dé ke kokol él yóm kuluhu ne yóm matahu, hyu dé ke tbul lewok anì senflósu mkik ket kdaw ne kifu. Nkiku yóm kdê yó kem dou tau deng hnatay le.

Kem Lingón 43:2

Tek sónen uu, Dwata, gónóhu gel hofin. Moen de ke tô bayaem ou? Moen ni du ke tódô seflós yóm keglayamu lemwót bè yóm tey sidek nmò le béléu yó kem hohonu?

Kem Lingón 42:9

Dwata se gónóhu hofin. Yó monu mò du, “Moen de ke deng klifótem ou? Moen ni du ke tódô seflós yóm keglayamu lemwót bè yóm tey sidek nmò le béléu yó kem hohonu?”

Danyél 10:12

Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.