Danyél 10:16 - Udél Dwata: Gna Kesfasad ne Lomi Kesfasad

¹⁶ Ominen lemwót yóm lómón tô tau ktonu du nduen sumóngu, ominu yó gudél. Yó udélu ebè yóm mdà bè soluhu yó, monu, “Ó Sér, tey sidek klikou du yóm deng hton Dwata do, botonge lenmek.

Danyél 10:16 Referans Kwoze

Danyél 8:15

Duhen yó, ou se Danyél. Bè yóm hanà tolo lelu hemdem du lanen yóm hton béléu yó, tódô tonu yóm lómón tô tau kmoen mdà bè soluhu.

Isaya 6:7

Lemwót yóm bala ofi nwiten, duen bè sumóngu ne yó udélen ebéléu, monen, “Lemwót bè yóm kduu bè sumóngem ni deng mkó tahem ne yóm hen-gselem yó. Ne deng gotu hnifót Dwata ne yó kem salaem.”

Jirimaya 1:9

Omin Dwata yó mdù sumóngu ne monen mò dou, “Ngem, suu bè sumóngem yó kem udélu mò tulónem.

Danyél 8:27

Duhen yó, ou se Danyél hol mton du nim ni ne tey sidek kegbeng lemu, botong hilu kdawu tódô htedek, wen desu. Timbow deng hyu kegnómu du, bud henlelu mò du yóm nmou bè yóm tau hol geta. Okóm là kóen mkó bè nawahu yóm deng tonu ne tey sidek kegbeng lemu, tolo là kô hol tngónu du he ke tedu tennefen tu kem tonu tu.”

Danyél 8:17

Yóm igò Gabrél hloni ebè yóm gónóhu mdà, ya tey sidek klikou, botonge gefen bè tonok. Ominen mudél ebéléu, monen, “Ó Ngà Tau, ni hol tennefem. Yó kem deng tonem yó, hnigaden yóm angat kmoen bè hol són kdaw.”

Danyél 7:28

Yó se sónen yóm hegfan Dwata béléu, ou se Danyél hol mton du. Tey sidek klikou du botonge bukós, okóm tódô suu lem hendemu yóm deng tonu ni.

Danyél 7:15

Ou se Danyél yóm mudél ni. Tey sbeweg kegnómu du bè yó kem deng tonu, botonge likò bè yóm deng hton Dwata do.

Deng Hegfan 1:13

Ne bud tonu se yóm mkél bè tau mdà lem blóng le. Ne gnut te hólól tihen yóm nesen, ne wen blówón sminang nô bè kfuhen.

Kun Snulat Jan 20:28

Mon Tumas se, “Tahu se. Uu se hol gónóhu mogot. Uu se hol dou Dwata.”

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

Kun Snulat Luk 1:64

Tódô sen-gengen se gudél Sekariya, ne tey kdóyónen ke Dwata.

Danyél 12:8

Gungolu yóm udélen, okóm là hol getnefu du yóm monen. Yó gónóhu smólók du, “Ó Sér, tedu gónón e kól du yóm kdéen ni?”

Danyél 9:21

Yóm igou tolo mni, tódô tonu Gabrél yóm hógów Dwata deng tehe tonu bè yóm gna kwen hton Dwata do, tódô kentohen sut gu bè longit ne hlós ebéléu, uma kóm gbangà bè yóm udas me tehe gel demsù kimel.

Isikél 33:22

Bè yóm kifu gu laanen là deng sut he, tódô gnómu yóm tey kfasang Dwata béléu, bud hudélen o anì yó bude gudél bè yóm kegdek yóm tau ni.

Isikél 3:27

Okóm ke bud wen htugodu kóm, bud hudélu uu anì tulónem kul yóm udélu ebélê le. Ominem yó bud mon du mò kul, ‘Ni se udélen ebélê ye yóm sana Dwata hol dandónen geta.’ Wen se bélê le angat hmungol kóm ne wen se bélê le angat kembê kóm, abay se kdê le hono tau là mimón do.” Là gomongen bè nili yóm tsaptér 4 kól bè tsaptér 16. Yó tulónen bè ni kem tsaptér ni: Hningón hmò Dwata ke Isikél yóm angat kundug le ebè Jirusalim yó kem sendalù Babilun ne yóm alì sidek kbitil yó kem tau lem Jirusalim. Eles htugod Dwata ke Isikél yóm angat ktafaken yóm kdê gónó le gel tmaba ebè yó kem dwata kéng yó kem tau Israél. Eles htugod Dwata ke Isikél yóm móyón kegesón yóm benwu Israél. Eles kehton Dwata du bè Isikél yóm ktaba le ebè dwata kéng lem yóm kun Gónô yó kem tau malak bè Israél. Eles hton Dwata ke Isikél yóm angat gotu khatay le yóm kdéen tau gel tmaba ebè dwata kéng bè Jirusalim, okóm hegna hnatay le yóm hitu folò kem tau malak bè kun Gónô Dwata. Bud tulónen yóm tódô kdó Dwata lem yóm kun dfél gónóhen gel nô bè Gónóen, mung du yóm tey keklóónen alì sminang ne nan na hlun nô ta yóm bak dól Gónóen. Kehton Dwata du ke Isikél yóm ktebelen yóm bak dól Gónóen, mung du yóm tey keklóónen alì sminang ne hlós eta yóm tikeb fi dmata kdaw bè lósól yóm Gónô Dwata. Kehton Dwata du ke Isikél yóm ktafaken yó kem tau malak bè Israél. Bud htonen du snéen yóm ktagaken yóm syudad Jirusalim, mung du yóm tey keklóónen alì sminang. Hningón hmò Dwata ke Isikél yóm angat kegef le kul etu bè Babilun yó kem tau Israél ne eles htulónen du yóm angat tey kélél le ken ne kélél le él bè yóm kdaw yó ne móyón glumfak le ne. Eles htugod Dwata ke Isikél yóm angat khatayen yó kem tau tmugod kéng, logi duhen libun. Eles htugod Dwata ke Isikél yóm angat khatayen yó kem tau malak bè Israél tendo gel tmaba ebè yó kem dwata kéng. Yóm kehlingón Dwata kul yó kem tau bè Jirusalim, hol lómón ke lefà deng mlób laen dù muhen. Yóm kehlingón Dwata kul yó kem tau lem Jirusalim, hol lómón ke libun mdà yehen, là gbek Dwata du ke là tnafaken kul.

Isikél 1:26

Fi ta yóm ketef sminang bukay yó wen tonu lómón ke bangkù gónó myón kmamal nô du, nmò le lemwót bè yóm botu ginggung alì sminang. Ne wen tonu lómón tô tau myón tahen.

Kmukum 13:8

Omin Manu mni bè Dwata, monen, “Ó Dwata, hol bud hógówem ebélê me yóm tau deng hógówem yó koni anì tulónen kum angat kmò me du yóm ngà ke sok sut.”

Kmukum 6:15

Bnalà Gidyun se, monen, “Okóm, Dwata, tedu se tô kmò kehewau kul du yó kem tau Israél? Blaem yóm dou tbong hono kem tau lunog bè ból Manasi. Ne ou se yóm alì glaan bè kdê yó kem fes lówó me.”

Kmukum 6:13

Yó mon Gidyun mò du, “Ó Sér, ke nô bélê me se Dwata, moen du ke lómón ni gfà me? Nô se yó du kem hentaw ton tehe tulón le kum yó kem tehe fù me, yóm tehe nmò Dwata bélê le bè yóm tehe kwiten kul hewà gu bè Idyip? Okóm deng tódô bayà Dwata mi. Deng lusen mi elem hólól yó kem tau Midyan.”

Juswa 5:14

“Là,” mon yóm tau yó. “Ou se kmandér bè yó kem sendalù Dwata.” Tódô lemfen bè tonok Juswa lanen heglaan knóen béléen, monen, “Ó Sér, ou se tau tóbóng lówóhem. Tedu se hmoem dou du?”

Kehewà 4:13

Okóm yó balà Musis du, monen, “Bê, Dwata. Ke hyu béléem, tódô dumu tau dé hógówem.”

Kehewà 4:10

Okóm mom yó balà Musis du, monen, “Hnifótem o, Dwata. Béem hógów ou etu. Yakem hulunge mudél lem blóng tau dou. Tódô lemwót bè kbuten efet nim kestulón te ni, là kóe hol hulung mudél. Malù batul kudélu.”

Danyél 4:19

Bè yóm kungol Danyél du yóm kna yóm tau hol geta, (yóm Danyél bnoluy le Béltisasar) nan tódô neb bà sekteb ke mudél, botong likò bè yó kem deng sut lem hendemen. Yó udél yóm tau hol geta ebéléen, monen, “Ó Béltisasar, béem heblat nawam mlan bè yóm knahu ne bè yóm hnigaden.” Bnalà Béltisasar se, monen, “Yake ebè yó dé kem hohonem gónón e gbak hnigad yóm knahem, bè yó kem tau kmutó nawa kóm béen mom ebéléem.

Danyél 8:18

Yóm igoen mudél, botong là bude temngón sana kefenu bè tonok. Okóm leninggil Gabrél ou ne tnóbóngen ou, ominu yó bude mdà.