Danyél 10:14 - Udél Dwata: Gna Kesfasad ne Lomi Kesfasad

¹⁴ Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Danyél 10:14 Referans Kwoze

Danyél 8:26

Tey tahu se yóm kdê hton Dwata kóm yó bè yóm kkó le yóm udas gel kedsù le hlafus ne kimel. Okóm béem tagad tulón he ni kem ni, abay se tolo mima he ksuten elem hulin kdaw.

Danyél 2:28

Okóm wen Dwata nô bè longit hulung hegfan du yóm gebnos ne mlan bè knahem gónón hegfan du béléem, yóm msut elem hulin kdaw. Ne ni, tulónu kóm yóm knahem ne yóm deng hton Dwata kóm bè yóm igoem hlilil bè gónóm tungô.

Hbakuk 2:3

Okóm yóm htonu kóm ni, olohem na smulat du abay se là deng ni du he ksuten, bede angat hol dohò. Ke malù legen ksuten, nahem hol nangat, abay se ke deng kól yóm kdawen, là kóen ganggà.

Danyél 12:9

Okóm yó balaen do, monen, “Yó ne, Danyél, henlósem mò du yóm gel nmoem. Là tagaden dohò he ni kem ni ke là nan na sut yó kem hol són kdaw.

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Mika 4:1

Bè yó kem hol són kdaw, angat tey tótól bè klamangen benwu yóm bulul gónón nô yóm Gónô Dwata. Bè yó gónó le tmaba Dwata yó kem tau bè klamangen benwu.

Husiya 3:5

Okóm kogolen bè yó angat le bud semfulék ebè yóm sana kul Dwata hol gónó mogot yó kem tau Israél. Bud le semfulék ebè yóm tau sfu Dabid mò mogot kul. Lemwót bè yóm tey klikò le ke Dwata, angat tódô setbol kkel le bè yóm bud kesfulék le ebéléen, bede angat guta le yó kem hyu angat tóbóngen kul elem hulin kdaw.

Isaya 2:2

Bè hulin kdaw, yóm bulul gónón mdà yóm dou Gónô alì bong muhen bè kdéen ne hol gónón kmulu yóm kdéen. Ne angat le gotu solo edu yó kem tau bè klamangen benwu.

Dwata 4:30

Ke deng wen glumfak ye elem hulin kdaw ne ke deng gotu gefet bélê ye ni kem monu mò kuy ni, omin ye yó he semfulék ebè Dwata ne nimón ye.

Tekang Kbuten 49:1

Timbow deng kudél Jakub ebè Jusif, ominen gotu htaba yó kem ngaen logi, monen mò kul, “Sbung ye e klohoku, eles tulónu kuy yóm angat kmò ye elem hulin kdaw.

Hibru 2:3

Mom milud he kegtafak tekuy ke là kenmón tekuy du yóm tey hyu deng nmò Dwata bélê tekuy mò lan tekuy gewà gu lem hatay. Yó sem gónó tekuy mogot yóm tanay tmulón du yóm lan yó, ne lemwót yó kem tau mungol du, bud lu se hetngón du tekuy yóm ktahuhen.

2 Timuti 3:1

Ni mò hentulónem nawa, ke sok deng móyón moni yóm hol són kdaw, tey dê gónó le glayam kem tau.

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

Danyél 9:22

Yó tulónen do, monen, “Ó Danyél, mógówe edini naw e benlay u khulung temnef bè yóm angat nmò Dwata bè yó kem tau Israél elem hulin kdaw.

Dwata 31:21

Lemwót bè yóm deng kulé le do, tey dê gfà sidek sut bélê le. Ne nim lingón ni mò angat gónóhu hewót mdà du yóm ktafaku kul. Balù yó kem semfu gu bélê le, là kô klifót le du se kul nim lingón ni. Balù ni, gu laanu là deng mit kul eta yóm tonok fasadu kul, deng sana tngónu yóm nô lem hendem le.”

Dwata 31:29

Tódô eles tngónu, ke denge matay tey angat kmò ye sidek ne angat kenbê ye yóm deng toloku kuy. Angat wen kdawen wen tey glumfak ye abay se deng hebut ye Dwata lan ye mò yó kem sidek alì kenbéen.”

Danyél 8:16

Ne tódô gungolu se yóm taba tau gu bè yóm Él Ulay, monen, “Ó Gabrél, géhél tulónem du hnigaden yóm tonen.”

Lista 24:14

Yó bud udél Balaam ebè Balak, monen, “Ni muléke ebè yó kem dou tau, okóm gu laanu là deng lemwót, wen eles hetgamahu kóm yóm angat nmò yó kem tau Israél bè yó kem tau nogotem elem hulin kdaw.”