Danyél 10:12 - Udél Dwata: Gna Kesfasad ne Lomi Kesfasad

¹² Ominen bud mon du mò dou, “Béi abay hlikò, Danyél. Tódô lenwóten bè yóm hol tanay kdaw keheglaanem knóem bè Dwata anì hulungi temnef, deng sana gungolen bè longit ne yóm hnihem. Ni nógówu edini naw e tulón kóm balaen yó kem hnihem yó.

Danyél 10:12 Referans Kwoze

Danyél 10:19

Yó bud monen mò do, “Béi abay hlikò, Danyél, yakà tey kbong nawahen kóm Dwata. Dwata he henek nawahem, hekgisi ne hgelem nawam.” Tahu se, yóm igoen mudél ebéléu yó, bud mulék kgisu ne monu mò du, “Yó ne Sér, henlósem yóm tulónem do, yakà deng hekgisem o.”

Isaya 58:9

Ke mni ye ebéléu, gel bnalau yu. Ke tnaba ye ou, tnimulu yu. Hyu ke nmò ye sónen yóm kehegnok ye kem dumu ye ne yóm khisik ye kul ne yóm ksidek kbak ye ebélê le.

Matyu 28:5

Ne mudél yóm hógów Dwata ebè yó kem libun, monen, “Bê ye abay hlikò. Tngónu hnebel ye Jisas, yóm lomi tnutuk le bè kros.

Isaya 65:24

Baluen ke tolo lel le mni ebéléu, deng eles gegna ne yóm kbalau kul.

Isaya 41:10

Hol bê ye abay hlikò, tendohe gel nô bélê ye. Ou se yóm kuy Dwata, laen kô dù knikò ye. Tendo gel benlayu yu kgis ne tendo tnóbóngu yu. Sónmou mofin kuy ne lenwau yu.

Isaya 41:14

Bud mon Dwata, “Yu kem tau Israél, là kô ye hol wen se kuy ne laen kô kgis ye. Okóm hol bê ye abay hlikò, ou se tmóbóng kuy. Ou se yóm kuy Dwata kem tau Israél yóm Dwata laen dù belenen. Ou se lemwà kuy.

Isaya 35:4

Hol mon ye bè yó kem tau wen kensidek nawa le, “Hgel ye nawa ye dé, bê ye abay bud hlikò. Móyónen kól ne Dwata nan e lenwà yu ne gotu tnafaken yó kem hohon ye.”

Kun Snulat Luk 24:38

Okóm yó udél Jisas ebélê le, monen, “Mò ye kat likò ni du? Moen de ke megewu se nawa ye dou du?

Hlolò 16:31

Hol hetfing le yóm kdaw yó mò kdaw le fasting ne mò kdaw le là mò nmò. Yóm hlolò Dwata kul yó, laen kô dù tul sónen yóm klolò le du.

Hlolò 16:29

Bud wen hlolò Dwata kul bè yóm kdaw kkóhen salà le ne laen kô dù sónen yóm klolò le du. Yó hloloen kul, bè yóm gesfoloen kdaw bè ghitun bulón, yó nmò yó kem tau Israél dalang se yó kem tólóng tau menwu lem blóng le, gotu le fasting ne bê le abay mò nmò.

Deng Hegfan 1:17

Bè yóm ktonu du, tódóe hegluduk klohok tihen, lómón ke denge tódô matay mekto. Okóm ogoten do sigel kwananen, ne monen mò do, “Béi abay hlikò. Ou se yóm hol buten ne bud sónen.

Kul Nmò 27:24

Yó monen mò dou, monen, ‘Béi hlikò, Pol, nam na gemdà bè solu Sisar he. Lemwót bè yóm kkodu Dwata kóm, tódô gomong mowil béléem yó kem dumuhem nô lem kafal ni.’

Kem Lingón 69:10

Tey keheglaanu knóu, gloku fasting, deng mom hennê le ou yó kem tau.

Kun Snulat Luk 2:10

Okóm yó mon yóm hógów Dwata mò kul, “Bê ye abay mom hlikò. Wen hyu naw e tulón kuy yóm angat hnigal kdéen tau.

Kun Snulat Luk 1:30

Ne bud mudél ebéléen yóm hógów Dwata, monen, “Béi mom tô hlikò, Midi, abay se tey kehyu nawahen ebéléem Dwata.

Kun Snulat Luk 1:13

Okóm yó mon yóm hógów Dwata mò du, “Béi hlikò, Sekariya. Deng gefet bè Dwata yóm gel knihem béléen. Angat mngà logi yóm tuha libunem. Yó angat boluyem du Jan.

Mark 16:6

Monen mò kul, “Bê ye mom tennga ou. Tngónu hnebel ye yóm Jisas lemwót bè Nasarit, yóm lomi tnutuk le bè kros. Là buden nô bè ni ne, deng hlowil Dwata. Ngem ni hnénég ye yóm tehe gónón masà.

Matyu 28:10

Mon Jisas mò kul, “Bê ye abay hlikò. Na ye e tulón dou tu kem dumuhu setwoli anì mógów le ebè Galili. Ditu he gónó le mton do.”

Danyél 10:11

Yó udélen ebéléu yóm tau yó, monen, “Ó Danyél, yóm tau alì kenbong nawa Dwata, hol hentilobem hemklingu du ni kem tulónu kóm ni. Mdai ne, abay se wen hógów dou ebéléem.” Yóm kmonen du mò do yóm yó, tódóe mdà igoen tolo setbol kkelu.