Danyél 10:1 - Udél Dwata: Gna Kesfasad ne Lomi Kesfasad

¹ Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

Danyél 10:1 Referans Kwoze

Danyél 8:26

Tey tahu se yóm kdê hton Dwata kóm yó bè yóm kkó le yóm udas gel kedsù le hlafus ne kimel. Okóm béem tagad tulón he ni kem ni, abay se tolo mima he ksuten elem hulin kdaw.

Danyél 6:28

Duhen yó, tódô lemwót bè yóm kogot Daryus yóm benwu Babilun efet yóm bud kun kogot bè Babilun Sayrus yóm tau lemwót bè Pérsya, tey tilob klowil Danyél.

Danyél 1:21

Tódô hlós nô bè yó Danyél bè gónô bong yóm tau hol geta efet bè yóm kun bud kogot bè benwu Babilun Sirus, yóm tau hol geta lemwót bè benwu Pérsya mled yóm benwu Babilun.

Danyél 1:7

Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Deng Hegfan 19:9

Ominen mon du mò do yóm hógów Dwata, “Ni snulatem. Tey kehligal le yó kem tau deng tinok le ebè yóm mò ken bong bè lówó yóm Ngà Ubiha.” Ne bud monen mò do, “Yóm deng snulatem yó, hol udél lemwót lem bak Dwata.”

Danyél 12:9

Okóm yó balaen do, monen, “Yó ne, Danyél, henlósem mò du yóm gel nmoem. Là tagaden dohò he ni kem ni ke là nan na sut yó kem hol són kdaw.

Danyél 12:4

Okóm kóm, Danyél, hol bunihem yóm deng tngónem ni. Hol nmoem dketen yóm lenulun deng gónóm smulat du efet nan ne kól yó kem hol són kdaw. Tey dê kem tau elem hulin kdaw sónmò le mógów na le e smólók anì temnù yóm gel tngón le bè yóm gel sut e lem blóng le.”

Danyél 10:14

Ni nógówu edini naw e tulón kóm yóm angat sut bè yó kem dumuhem tau Israél e lem hulin kdaw, abay se gbak e lem hulin kdaw yó kem hton Dwata kóm ni.”

Danyél 5:17

Bnalà Danyél se, monen, “Omin he, Bélsasar. Mò kóm ne yóm tô basahem do yó, duhen ke blayem bè yó kem dumu tau. Okóm yóm snulat bè beng yóó, senfalahu béléem ne tulónu kóm se yóm hnigaden.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Isaya 44:28

Ne ni, wen udélu ebè yóm sotu tau boluyen Sirus, monu mò du, ‘Angat wen tey hogotu kóm ne angat gotu nmoem yóm dou kóyô. Angat uu bud hefdà du yóm Jirusalim ne bud uu mbut hefdà du yóm Gónóu bè yó.’ ”

Isra 6:14

Ne yó kem tau gónó le gel galak yó kem Ju, tey wen gendeng le bè yóm kehdà le yóm Gónô Dwata lemwót bè yóm tey kegduf le kul yóm lewu kem tugod Dwata Hagay ne Sikaraya. Botong deng yóm Gónô Dwata tehe hmoen kul yóm kul Dwata yó kem tau Israél, dalang se yó kem tau hol geta bè Pérsya le Sirus ne Daryus ne Artasérksis.

Isra 6:3

“Bè yóm hol tanay halay kogot Sirus bè Pérsya, wen snulaten gbak ebè yóm Gónô Dwata bè Jirusalim. Bud hefdaen yó kem tau Israél yóm Gónô Dwata bè yóm sana tehe gónón mdà, bè yóm tehe gónó le gel demsù ebè Dwata. Yó kegetahen yóm Gónô Dwata hefdaen, lewu folò hitu mitru ne lewu folò hitu mitru se klamangen.

2 Tutul Israél 36:22

Bè yóm hol tanay halay kogot Sirus yóm benwu Pérsya, hdohò Dwata yóm tehe eles htulónen yóm sotu tehe tugoden ekni boluyen Jirimaya. Yó nmò Dwata, wen hfedemen ke Sirus yóm tau hol geta anì wen snulaten mò hwiten ebè klamang yóm benwu snakufen. Yó kóyô Sirus bè nim sulaten ni ke hgel le semfala du bè gónón wen bè klamang yóm benwu nogoten. Yó nô lem yóm sulaten, monen,

Tekang Kbuten 41:32

Yó gónó Dwata hekna kóm lewu dulék anì tngónem yóm hol kehdohoen du yóm knahem ne là buden legen ne ksuten.

Kun Snulat Luk 1:20

Okóm deng mom hendahem igoen angat dohò bè yóm kun buteng du Dwata. Lemwót bè yóm deng kehdahem du, hatani bud gudél he ke deng hto yóm butengen sut nim fasad deng tulónu kóm ni koni?”

Danyél 8:16

Ne tódô gungolu se yóm taba tau gu bè yóm Él Ulay, monen, “Ó Gabrél, géhél tulónem du hnigaden yóm tonen.”

Danyél 5:12

Yó boluyen yóm tau ni, Danyél, yóm bnoluy Nibukadnisar Béltisasar. Tey betik kehedemen, tau temngón, tau hulung temnef. Gbeken tmulón lan kna ne lan yó kem nged ne gbeken se hemlan yó kem mgel sut bè klowil tau. Yake géhél htabahem Danyél anì tulónen kóm lan yóm snulat bè beng yóó.”

Danyél 4:8

Ngangen efet kól béléu Danyél ne tulónu du yóm knahu. (Yóm Danyél bnoluyu Béltisasar, hadénu bè yóm dou dwata, sotu tau deng htulus yó kem dwata hol mólós.)

Isra 3:7

Bè yóm kbut kehdà le du yóm Gónô Dwata, yó nmò yó kem tau Israél, wen filak blay le mò mayad yó kem tau hulung kemleng botu ne yó kem tau hulung hemdà gónô. Ne wen kem koyu sidar nwa le bè yó kem tau bè syudad Tayal ne bè syudad Sidon. Yó wa le du bélê le, lenuluk le ken ne yóm gel ninum le ne hnolo ulib. Hono kem koyu sidar lemwót bè bulul yóm benwu Libanun. Yó lan le mit du hetów le te Mohin Miditiranyan, dmuung bè yóm syudad bè kilil mohin boluyen Jupa. Kdê ni kem nmò le ni, hono lemwót bè kun kóyô Sirus yóm tau hol geta bè Pérsya.