Danyél 1:8 - Udél Dwata: Gna Kesfasad ne Lomi Kesfasad

⁸ Okóm ke Danyél kun, deng nô bè nawahen yóm là kóyóen gholu bè yóm ken ne yóm ninum blay yóm tau hol geta kul. Yó nmoen, hkodu bè Aspinas anì htólóngen yóm hkenen kul.

Danyél 1:8 Referans Kwoze

Kem Lingón 141:4

Hol kóhem yóm óyóu mò sidek, béem hlus o mung bè yó kem tau gel mò sidek, ne béem hlus o mung mken bélê le.

1 Kurin 7:37

Okóm yóm logi, ke tódô lemwót béléen yóm là tagad kyehenen, ke hol lemwót bè kun kmò kehedem du, ne ke deng hulung mafas nawahen, tey hyu ke là tagad yehenen du yóm libun yó.

Kem Lingón 119:115

Yu kem tau gel mò sidek, hlayuk ye béléu, yakà són hlau yóm do Dwata yóm dou lolò.

Kem Lingón 119:106

Tey mget yóm tehe fasadu kóm, duhen yóm kimónu yó kem tedeng gel hloloem kum.

Danyél 1:5

Yó bud nmò yóm tau hol geta, wen hmoen yóm tau mólól ken anì tódô ket kdawen bemlay kul ken yó kem ngà logi nélék le yó, yóm ken hyu ne yóm tifas grép alì hyu lemwót bè kun lemisa. Tlu halay le kegen le tmolok kul, ominen yó he wen hmoen kul yóm tau hol geta.

Kul Nmò 11:23

Timbow kól bè yó, ya tey kehyu nawahen yóm ktonen yóm któbóng Dwata kul. Gel gendufen lu anì hol le teneb, ne là monol nawa le ebè yóm gónó le mogot.

2 Kurin 9:7

Duhen yó, yake ket tau eles hemdem du kbongen yóm angat blayen. Là kóen hyu yóm bemlay ke là nóen bè nawan, duhen ke song bemlay ke tek nubug le. Abay se ke Dwata kun, tey kbong nawahen du yóm tau hol nô bè nawahen bemlay.

Dwata 32:38

Deng gel henken ye lu abù yó kem dsù ye ne deng gel benlay ye lu tifas grép mò ninum le. Hógów ye lu edini kun anì tnóbóng le yu. Henslò ye lu dé anì géhél lenwà le yu.

Kem Lingón 106:28

Omin yó kem fù tekuy, deng le mom mung tmaba ebè Baal bè Pyor, ne balù yóm deng dsù le ebè matay, sana kken le du.

1 Bok Kem Tau Hol Geta 5:5

Ne yó gónón hol nô bè nawaw hemdà du yóm Gónô Dwata mò mit du yóm kun boluy yóm sana do Dwata hol gónó mogot, lómón yóm deng hloloen ke mà, yakà deng mon Dwata du mò du, ‘Yóm ngaem logi mò tlesu kóm bè yóm gónóm myón kmamal, du fen hemdà du yóm dou Gónô mò mit du yóm dou boluy.’

Kul Nmò 15:20

Olo tekuy tódô smulat ebélê le ne. Tulón tekuy kul hyu ke hol bê le abay ken yóm deng dsù ebè dwata kéng, yóm là mólósen bè hlau tekuy. Hol bê le abay mò samuk. Hol bê le abay ken yóm utón là deng kó le du litóen, dalang se yóm litô, hol bê le abay ken.

Kem Udél Hlalak Tehe Selumun 23:3

Béem hotu óyóem du yóm ken alì tilob kayen, déke olo tinggien kóm.

Danyél 5:4

Yóm igò le minum tey kdóyón le du yóm kul dwata, nmò le lemwót gu bè tahu blówón ne gu bè blówón bukay ne gu bè tembaga futì ne gu bè bala tók ne gu bè koyu ne gu bè botu.