Danyél 1:7 - Udél Dwata: Gna Kesfasad ne Lomi Kesfasad

⁷ Wen lomi boluyen kul yóm geta bè yó kem genlal yóm tau hol geta. Yó tles boluy Danyél, Béltisasar. Yó tles boluy Hananiya, Sadrak. Yó tles boluy Misyél, Misak ne yó tles boluy Asariya, Abidnigu.

Danyél 1:7 Referans Kwoze

Danyél 5:12

Yó boluyen yóm tau ni, Danyél, yóm bnoluy Nibukadnisar Béltisasar. Tey betik kehedemen, tau temngón, tau hulung temnef. Gbeken tmulón lan kna ne lan yó kem nged ne gbeken se hemlan yó kem mgel sut bè klowil tau. Yake géhél htabahem Danyél anì tulónen kóm lan yóm snulat bè beng yóó.”

Danyél 4:8

Ngangen efet kól béléu Danyél ne tulónu du yóm knahu. (Yóm Danyél bnoluyu Béltisasar, hadénu bè yóm dou dwata, sotu tau deng htulus yó kem dwata hol mólós.)

Danyél 2:49

Wen hni Danyél bè yóm tau hol geta anì nmoen le Sadrak ne Misyak ne Abidnigu mò mogot yóm kdéen nmò bè yó bè prubinsya Babilun. Okóm ke Danyél kun, tódô hlós nô bè yó bè fsinà bè gónô bong yóm tau hol geta.

Danyél 1:3

Lemwót yóm tau hol geta yó, dóken Aspinas yóm geta bè yó kem genlalen, anì mélék bè yó kem ngà logi lomi lemnok deng negef le lemwót gu bè Juda yóm hono kesfu tau hol geta.

2 Bok Kem Tau Hol Geta 24:17

Omin yóm tau hol geta bè Babilun mélék ke Manataya mà dì Jihuyakin, mò tles Jihuyakin tau hol geta bè Juda. Tenlesen boluy Manataya, tlesen du Sidikaya.

2 Bok Kem Tau Hol Geta 23:34

Lemwót Faro Niku, nmoen Ilyakim yóm sotu ngà Jusaya logi mò tau hol geta bè Juda mò tles Jusaya yóm maen. Okóm tenlesen boluy Ilyakim, tlesen du Jihuyakim. Fen hdóhen Jihuhas, hwiten ebè Idyip ne ditu gónón matay.

Danyél 2:26

Yó mon yóm tau hol geta mò ke Danyél (yóm bnoluy le Béltisasar), “Tahu kô nim monen ni? Gbekem tmulón du do yóm knahu ne yóm hnigaden?”

Tekang Kbuten 41:45

Hyu wen boluy tau Idyip boluyen ke Jusif yóm Faro yó. Yó boluyen du, Safinat Paniya. Ne hyehenen du yóm ngà Putifira libun boluyen Asinat. Yó kun gel nmò Putifira, du se sotu tau gel demsù ebè yó kem kul dwata lennged yó kem tau Idyip ne nô bè yóm syudad boluyen Hiliyupulis. Deng tlu folò ne halay Jusif yóm kbut kmoen nmò bè yóm Faro bè Idyip. Lemwót Jusif bè yó bè gónô Faro, gotu nauyen yóm kdéen benwu glem lem Idyip.

Danyél 1:19

Gotu le mdà bè solu yóm tau hol geta yóm ket kul na sotu ne stulón kul. Yó ton yóm tau hol geta bè kdê yó kem logi nwit le ebéléen, laen dù gemsenged kul le Danyél ne Hananiya ne Misyél ne Asariya. Yó gónón mélék kul mò mung bè yó kem tau gel hemlan béléen udél.

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

Danyél 4:5

Okóm sotu kifu kemnahe ne tey sidek klikou. Yóm igou hlilil bè yóm gónóhu tungô wen hton béléu gónóhu alì likò.