Danyél 1:4 - Udél Dwata: Gna Kesfasad ne Lomi Kesfasad

⁴ Yó monen mò du, “Nélékem yóm hyu klówó le ne knóón le logi, kem tau hulung hedem ne kem tau temngón ne mahil le megtolok ne yóm wen kenhulung le bè yóm angat kmò le nmò bè yóm gónô bongu. Tolokem ni kem lomi lemnok ni mudél yóm kut udél kem tau Babilun ne semfala yó kem dê kut snulat.”

Danyél 1:4 Referans Kwoze

Danyél 5:11

Wen sotu tau nô lem nim benwu nogotem deng htulus yó kem dwata alì mólós. Yóm hanà kegenen du maem Nibukadnisar, tngónen nim tau ni wen tey khulungen temnef, lelen temngón ne hulung hedem, hol lómón ke du yóm sotu dwata. Lemwót maem, nmoen nim tau ni mò gónó le kmulu yóm kdéen tau demwata ne tau mton bù ne tau hemgawang nô lem nim benwu ni.

Kul Nmò 7:22

Gotu hefnagien du yóm kul kmò ketngón yó kem tau Idyip. Baling tótól Musis lemwót bè khulungen mudél ne bè kehyu nmoen.

Kem Udél Hlalak Tehe Selumun 22:29

Tonem kô yóm tau alì gulit kmoen nmò? Knóón kmoen nmò bè yó kem tau hol geta, là bè yó kem tau hkawang du.

2 Samwél 14:25

Bè klamang Israél, laen dù logi ke mkél ke Absalum ktiloben. Lenwóten bè hólól tihen efet kól bè kuluhen, laen kô dù óngóhen.

Danyél 2:10

Yó balà le yóm tau hol geta yó kem tau hemgawang yó koni, mon le, “Laen kô dù tau bè klamangen benwu ke gbeken tódô tmulón kóm yóm deng knahem. Ne laen se kô dù tau hol geta balù nô kegetahen ne nô kfasangen ke lómón yó snólókem bè yó kem tau demwata ne bè yó kem tau mton bù ne bè yó kem tau hemgawang.

Kul Nmò 7:20

Yóm khéét kukumen yó,” mon Stéfén, “kulel se kun ksut yóm tehe Musis. Blaem tey ngà knóón yóm ngà yó. Tlu bulón yéen semgyok du bè gónô le.

Danyél 5:7

Botong lemangat anì gotu nwit le lu ebéléen yó kem tau demwata ne yó kem tau hemgawang. Yóm kkól le bè yó, yó udélen ebè yó kem tau temngón bè Babilun yó, monen, “Ke wen bélê ye gembek semfala du nim snulat bè beng nii ne gembek tmulón du do yóm lanen, angat heseku du yóm nes megem hulô gel lesek yóm tau hol geta ne hniegu lieg blówón ne henbalingu mò getlu geta bè yóm benwu ni.”Okóm bè yóm deng kkól le bè yó, yó kem tau temngón tinok yóm tau hol geta yó koni, balù sotu bélê le ke gembek semfala du yóm snulat bè beng yó, duhen ke gembek tmulón du yóm lanen.

Danyél 4:7

Tikóng le gdek yó kem tau demwata ne yó kem tau mton bù ne yó kem tau gel hemgawang tulónu kul yóm knahu, okóm là gbek le tmulón du dou yóm hnigaden.

Kmukum 8:18

Omin Gidyun smólók kul yóm lewu kem tau hol geta yó le Siba ne Salmuna, monen, “Yó kem tau tehe hnatay ye bè Tabur, kmò kton ye kul du?” Bnalà le se, mon le, “Skél le kóm, lómón tô le halas ngà tau hol geta yóm kdê le.”

Ifisus 5:27

anì hol tahu minggel ktonen tekuy kem tau deng hemtahu béléen. Bè ktonen tekuy, deng tekuy baling mólós, ne laen dù belen tekuy, bà udì ke wen gónó tekuy là ket.

Danyél 3:8

Okóm wen bè yó kem tau hemgawang mógów ebè yóm tau hol geta, tifù le yó kem tau Ju.

Danyél 2:2

Yó nmoen, gotu htabahen yóm kdéen tau mton bù ne yó kem tau demwata ne yó kem tau hemgawang anì snólóken bélê le ke tedu yóm deng knahen. Timbow le kól bè yó, gotu le mdà bè solu yóm tau hol geta

Isaya 36:11

Omin le mudél le Ilyakim ne Sibna ne Juwa, mon le mò du, “Yake udél Aramik dé udélem ebélê me, abay se deng tngón me se kum. Béi mudél Hibru, abay se gotu gungol yó kem tau myón bè beng yóó.”

Danyél 9:1

Bè yóm tanay halay kehyón le ke Daryus mò kmamal yóm benwu Babilun yóm sotu tau Mid ngà Ahasirus,

Sikaraya 2:4

ne yó monen mò du yóm mógów ebéléen yó, “Hetlasiki, tulónem tum tau mit btes tu koni, monem mò du, ‘Lemwót bè yóm angat bud alì kwen tau lem yóm syudad Jirusalim, botong là kóyów le lemen. Lemwót yó kem dumu, tódô le nô bè lewà ne yó kem ógóf le ne laen se kô dù hemen le bè yó.