Danyél 1:20 - Udél Dwata: Gna Kesfasad ne Lomi Kesfasad

²⁰ Lenwóten bè yó bè ket snólóken bélê le yóm tau hol geta, bè kun kehedem du yóm kul khulung hedem ne kul khulung temnef nim fat kem logi gel hemlan béléen udél ni, botong sfolò duléken lemyu senta yóm kul ketngón yó kem tau demwata tehe gel hemlan béléen udél.

Danyél 1:20 Referans Kwoze

Kehewà 8:19

ne yó mon yó kem tau demwata bè Faro, “Dwata se mò du nim ni.” Okóm sana tolo tey kgel kulu Faro. Là kô nan e hnungol kul le Musis ne Aron, hol lómón yóm deng mon Dwata.

Job 19:3

Tódô ket kiwól ye hemyak dou ne là kô kenyak ye du mudél sidek etahu.

Nihimaya 4:12

Okóm yó kem dumu me Ju menwu moni bélê le, tódô ket kiwól le mseb du kum yóm atul le eta me, mon le, “Sok nundug le tekuy kun tódô snibut le tekuy.”

Lista 14:22

Bud tahu snéen nim monu ni, balù sotu bè ni kem tau là mimón ni ke gehlós edu tum benwu deng fasadu kul. Igò le deng hónô mton du yóm tey keslinangu bè yóm knóu lem blóng le ne deng hónô ton le snéen yó kem hentaw ton tehe nmou bè Idyip dalang se bè ni bè nim benwu laen hol wen tauhen. Okóm deng mom sónmò le tendo gel htakas do ne là kô nimón le do.

Kehewà 8:7

Ne lemwót yó kem tau gel demwata, gotu bud nmò le se kul yóm yó ne tódô hesut ete kembu yó kem tey fak.

Kehewà 7:22

Okóm yó kem tau demwata Faro yó, gotu bud nmò le se kul yó kem yó. Yó gónóm mon, sana tolo tey kgel kuluhen yóm Faro. Là kô nan e hnungol kul le Musis ne Aron, hol lómón yóm deng mon Dwata.

Tekang Kbuten 41:8

Timbow hlafus bè yó, sónmoen tafa nawahen. Yó nmoen, gotu hangayen yóm kdéen tau demwata bè klamangen Idyip ne yó kem tau hulung tmulón lan kna. Gotu tulónen kul yó kem knahen okóm balù sotu bélê le ke gembek tmulón du lan yó kem knahen yó.

Tekang Kbuten 31:7

Ewenem yó, mom snukaten ou ne botong sfolò duléken tendo temles yóm kmò ksukéyen dou. Okóm là hlus Dwata du béléen ke hensideken ou.

Danyél 5:17

Bnalà Danyél se, monen, “Omin he, Bélsasar. Mò kóm ne yóm tô basahem do yó, duhen ke blayem bè yó kem dumu tau. Okóm yóm snulat bè beng yóó, senfalahu béléem ne tulónu kóm se yóm hnigaden.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Danyél 2:13

Lemwót bè yóm udél yóm tau hol geta yó, wen tau dók le anì hnebel Danyél ne yó kem ween anì hnatay le lu.

Kem Lingón 119:99

Bong he do khulung temnef senta yóm kul khulung temnef yó kem tau tmolok do, abay se do tendo eles nulón nawaw yó kem hloloem do.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.