Danyél 1:2 - Udél Dwata: Gna Kesfasad ne Lomi Kesfasad

² Yó nmò Dwata, blayen Jihuyakim elem hólól Nibukadnisar. Yóm kulék Nibukadnisar ebè Babilun wen nwiten bè yó kem kimu mebtes nô lem Gónô Dwata, kem kimu deng hetfing le ebè Dwata ne suen lem gónô yóm kun dwata hentahu bè Babilun, bè yóm gónó le gel hemyu yó kem alì mebtes.

Danyél 1:2 Referans Kwoze

2 Tutul Israél 36:7

Wen kem ngom mebtes nwa Nibukadnisar lem yóm Gónô Dwata, ne suen bè gónô bongen bè Babilun.

Sikaraya 5:11

Bnalaen ou, monen, “Nwit le ebè Babilun na le e hemdà béléen gónô ditu. Ke deng kehdà le du yóm gónóen, wen gónó le hemyón du bè yó lemen yóm abì yó ne bè yó hlós gónón nô.”

Kmukum 2:14

Yó se gónón alì sidek kebuten kul yóm sana kul Dwata yó kem tau Israél. Yó nmoen bélê le, lusen eta le yó kem tau gel muluk mò muku yóm kdê nfun le. Blayen lu elem tdok yó kem hohon le hmilol kul ne là kô wen gmò le.

Dwata 32:30

Bè tek olo sotu hohon le, botong le lemibu hemlóy du. Bè tek lewu hohon le, botong le sfolò libu hemlóy kul. Yó gónó le mlóy abay se deng bayà Dwata lu yóm sana kul Dwata gónó mogot. Deng tódô lusen lu elem tdok yó kem hohon le yóm kul Dwata alì gembek.

Tekang Kbuten 11:2

Tódô le menwu mógów lan le fi dmata kdaw efet le gefet bè yóm tey datal lamang bè Babilun, ne bè yó gónó le menwu.

Hbakuk 1:16

Omin le yó tmaba dwata bè yó kem huket le ne mtem le insinsu bélê le, yakà mon le du lemwót bè huket le kun yóm kwen kendengen le ne ktilob yóm gel ken le.

Danyél 5:18

Yóm Dwata hol dandónen geta bè kdéen, tehe hogoten ke maem Nibukadnisar yóm klamangen. Du se hol hfasang du ne hegeta du ne htótól boluyen.

Isra 1:7

Sotuhen, wen kem ngom mebtes tehe nuku Nibukadnisar lem yóm Gónô Dwata bè Jirusalim ne suen lem yóm gónô yó kem kun dwata bè Babilun. Yó nmò Sirus, gotu bud hwiten mulék ebè Jirusalim ni kem ngom mebtes ni.

1 Samwél 5:2

Omin le mit du elem gónô yóm kul dwata kéng boluyen Dagun ne hyón le bè yó klohoken.

Isaya 42:24

Tngón ye kô, tau du bemlay tekuy kem tau Israél elem tdok yó kem tau megef tekuy? Dwata se mò du yóm yó lan tekuy là mimón du. Là lolò tekuy du yóm kóyóen bélê tekuy ne là nimón tekuy du yóm toloken.

2 Bok Kem Tau Hol Geta 24:1

Bè yóm tolo kogot Jihuyakim yóm benwu Juda, lemwót Nibukadnisar bè Babilun nleden yóm benwu Juda, ne botong tlu halay Jihuyakim mayad du yóm hbayaden kul, ominen matù du, là buden móyô mayad du yóm gel hbayaden kul.

Jirimaya 25:1

Bè yóm gfaten halay kegen Jihuyakim yóm ngà tehe Jusaya mogot yóm benwu Juda, wen udél Dwata ebè Jirimaya gbak bè yóm kdéen tau bè Juda. Ni se yóm halay hol kbut Nibukadnisar mogot yóm benwu Babilun.

Jirimaya 35:11

Okóm bè yóm kegdofien bè ni Nibukadnisar yóm tau hol geta bè Babilun, tey klikò me bè yó kem sendalù Babilun ne bè yó kem sendalù Aramiyan. Ne ni se gónó me mili ebè ni bè Jirusalim.”

Danyél 5:13

Tahu se, nwit le ebè yóm tau hol geta Danyél ne yó monen mò du yóm tau hol geta, “Uu kô Danyél, yóm sotu tau lemwót gu bè Juda yóm tehe gomong negef mau Nibukadnisar?

2 Tutul Israél 36:5

Deng lewu folò limu ne halay Jihuyakim yóm kbalingen tau hol geta. Yó kegenen mogot benwu, sfolò sotu halay ne bè Jirusalim gónón nô. Yóm gel nmò Jihuyakim, tey sidek bè kton Dwata du yóm sana kun Dwata hol gónó mogot.