Danyél 1:18 - Udél Dwata: Gna Kesfasad ne Lomi Kesfasad

¹⁸ Timbow deng mfu yóm tlu halay le tmolok kul, lemwót yóm geta bè yó kem genlal gotu nwiten lu ebè Nibukadnisar yóm kdê logi deng tolok le.

Danyél 1:18 Referans Kwoze

Danyél 1:5

Yó bud nmò yóm tau hol geta, wen hmoen yóm tau mólól ken anì tódô ket kdawen bemlay kul ken yó kem ngà logi nélék le yó, yóm ken hyu ne yóm tifas grép alì hyu lemwót bè kun lemisa. Tlu halay le kegen le tmolok kul, ominen yó he wen hmoen kul yóm tau hol geta.

Danyél 1:17

Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Danyél 1:19

Gotu le mdà bè solu yóm tau hol geta yóm ket kul na sotu ne stulón kul. Yó ton yóm tau hol geta bè kdê yó kem logi nwit le ebéléen, laen dù gemsenged kul le Danyél ne Hananiya ne Misyél ne Asariya. Yó gónón mélék kul mò mung bè yó kem tau gel hemlan béléen udél.

Danyél 2:16

Bè yóm kungol Danyél du, tódô kendel mógów ebè yóm tau hol geta ne mni béléen kdaw anì gbeken tmulón du hnigad yóm knahen.