Danyél 1:17 - Udél Dwata: Gna Kesfasad ne Lomi Kesfasad

¹⁷ Tey keblay Dwata kul ketngón nim fat kem logi lomi lemnok ni bè kdê yó kem hefnagì le kul. Bong ke Danyél kun, wen kenhulung blay Dwata du, duhen yóm khulung tmulón lan yóm hton Dwata bè tau ne lan kna.

Danyél 1:17 Referans Kwoze

Sulat Jim 1:5

Okóm ke wen bélê ye là dengen hol ket bè khulungen hedem, yake tódô mni bè Dwata dé anì wen khulung hedem blay Dwata du. Abay se yóm Dwata, hol lemwót bè nawahen tmóbóng yó kem tau gel mni béléen, ne là olon udì du yóm gel blayen.

1 Bok Kem Tau Hol Geta 3:12

blayu kóm yóm deng hnihem. Benlayu u khulung hedem, yóm khulung hedem là deng tonem du bè dumu tau, ne laen se gónóm angat bud mton du.

Danyél 2:21

Sónen du gembek semtódô yóm kógów kdaw ne bulón. Sal lemwót béléen yóm kesetles le mogot benwu yó kem tau hol geta. Lemwót béléen yóm khulungen hedem yóm tau hulung hedem ne ketngón yóm tau temngón.

Job 32:8

Okóm bè ktahuhen, yóm khulung tau hedem kaem lemwót bè yóm Tulus yóm Dwata alì gembek.

Danyél 2:23

Tey kdóyónu kóm, Dwata yóm Dwata yó kem tehe fuu, abay se deng benlayem o khulung hedem ne deng hekgisem o. Deng bnalaem yóm hni me béléem ne deng hegfanem bélê me yóm kna yóm tau hol geta.”

Kulasi 1:9

Yó gónóm mon, lemwót bè yóm kungol me du yóm kehtahu ye, là kóen skó yóm tendo gel kni me bélê ye bè Dwata. Yó gel hni me béléen anì hol hetngónen kuy yóm kun kóyô, hlanen bè yóm khulung hedem ne yóm khulung milô gel blayen tekuy yóm kun Tulus.

Kem Udél Hlalak Tehe Selumun 2:6

Yakà tek són du bemlay du yóm khulung hedem ne bud du se gónón lemwót yóm ketngón ne ketnef.

Kul Nmò 6:10

Okóm là kô le gemmò béléen, abay se yóm Tulus Dwata bemlay ke Stéfén khulung mudél.

Sulat Jim 1:17

Hono hyu yóm kdê deng blayen tekuy, balù udì ke wen gónón sidek. Yó se kun kmò Dwata, yóm deng dmimun kdê yó kem lemayag ton tekuy bè longit. Gel megetles ne mili yóm olung yó kem lemayag bè longit yó, okóm ke Dwata kun, là kóen na a mili, sana kem kun kehyu.

Kul Nmò 7:22

Gotu hefnagien du yóm kul kmò ketngón yó kem tau Idyip. Baling tótól Musis lemwót bè khulungen mudél ne bè kehyu nmoen.

Danyél 10:1

Bè yóm getlu halay Sirus mogot yóm benwu Pérsya yóm tau hol geta smakuf yóm benwu Babilun, bud wen hton Dwata ke Danyél (yóm bnoluy le Béltisasar). Yó hnigad yóm hton béléen yó, hono gbak ebè yóm gida bong angat dohò sut bè benwu le elem hulin kdaw. Tódô tngón Danyél tennefen yóm hton Dwata béléen yó.

2 Tutul Israél 26:5

Bè yóm hanà tolo kegenen du Sikaraya, yóm tau tendo hlolò du ke Usiya yóm klikò ke Dwata, són Dwata gónó Usiya smalig. Yóm igoen tendo smalig ke Dwata, tey wen uléken yóm kdê nmoen.

Lista 12:6

Ne yó mon Dwata mò kul, “Ni mò hnungol ye. Ke wen yó kem tugodu nô lem blóng ye, tódô wen yóm gel htonu kul ne gele stulón kul mlan bè kna le.

Kul Nmò 7:10

ne lenwaen bè yó kem tey dê gónón glayam bè yó. Bè yóm kdaw kehdà le ke Jusif bè solu yóm tau hol geta bè Idyip, wen tey kehyu nawa blay Dwata du, ne yóm khulung hedem. Lemwót yóm tau hol geta yó, tódô nmoen Jusif gubérnor bè klamangen Idyip, ne hogoten du yóm kdéen tau mò nmò bè gónóen.

Danyél 7:1

Bè yóm tanay halay kogot Bélsasar yóm benwu Babilun, wen kna Danyél ne wen hton béléen bè yóm igoen hlilil bè gónón tungô. Gotu snulaten yóm knahen yó ne ni se yóm tonen.

Danyél 2:19

Tikóng kifu, hton Dwata ke Danyél yóm kna yóm tau hol geta, yóm là tngón tau du. Tey kdóyón Danyél yóm Dwata nô bè longit,

Kun Snulat Luk 21:15

Ou he bemlay kuy yóm khulung ye hedem, ne yóm kestulón là gbek hohon ye malà du, ne là kô gehkéng le du snéen.

2 Tutul Israél 1:10

Benlayem ou khulung hedem ne ketngón anì tilob kogotu kul ni kem tau ni. Laen kô dù tau gembek mogot kul yó kem kóm tau wen yó ke tek sotuhen.”

1 Bok Kem Tau Hol Geta 3:28

Timbow gungol yóm kdê tau Israél yóm kkukum Selumun yó, botong wen klikò le du yóm kdê le, abay se dilô le lemwót bè Dwata yóm khulungen hedem anì tedeng kwiten du yóm kkukumen.

Danyél 8:1

Bè yóm deng getluhen halay myón Bélsasar, bud wen hton Dwata do, ou se Danyél hol mton du. Ni se deng gewuhen dulék kwen htonen do.

Danyél 5:14

Deng gungolu yóm tey kehtulus le kóm yó kem dwata hol mólós ne gungolu snéen yóm khulungem temnef ne yóm tey ketngónem mung du yóm khulungem hedem.

2 Tutul Israél 1:12

dohò keblayu du kóm yóm khulung hedem ne ketngón deng hnihem. Bud benlayu uu kendengen snéen, ne yóm tey kadat le kóm yó kem tau, laen kô dumu tau hol geta gegna béléem duhen ke ghuli béléem gemsenged kóm.”

Danyél 1:4

Yó monen mò du, “Nélékem yóm hyu klówó le ne knóón le logi, kem tau hulung hedem ne kem tau temngón ne mahil le megtolok ne yóm wen kenhulung le bè yóm angat kmò le nmò bè yóm gónô bongu. Tolokem ni kem lomi lemnok ni mudél yóm kut udél kem tau Babilun ne semfala yó kem dê kut snulat.”

Danyél 1:18

Timbow deng mfu yóm tlu halay le tmolok kul, lemwót yóm geta bè yó kem genlal gotu nwiten lu ebè Nibukadnisar yóm kdê logi deng tolok le.

Danyél 1:20

Lenwóten bè yó bè ket snólóken bélê le yóm tau hol geta, bè kun kehedem du yóm kul khulung hedem ne kul khulung temnef nim fat kem logi gel hemlan béléen udél ni, botong sfolò duléken lemyu senta yóm kul ketngón yó kem tau demwata tehe gel hemlan béléen udél.

Danyél 2:30

Yó gónó Dwata hegfan du béléu nim kna ni, sundu mon ke alie temngón senta yó kem dumu tau. Là gi. Okóm kóyô Dwata ke hol tngónem hnigaden yóm knahem yó ne ke hol glebetem yóm deng mlan lem hendemem.

Danyél 4:6

Yó gónóhu htaba yóm kdéen tau alì temngón bè Babilun anì tulón le dou hnigad yóm knahu.