Danyél 1:15 - Udél Dwata: Gna Kesfasad ne Lomi Kesfasad

¹⁵ Tikóng mfu yóm sfolò kdaw, tonen tey hyu kul klówó le Danyél ne yóm tlu kem ween senta yó kem dumu logi mken yóm ken tau hol geta.

Danyél 1:15 Referans Kwoze

Kehewà 23:25

Són ou yóm gónó ye e tmaba, yóm sana kuy Dwata hol gónó mogot. Ke ni se nmò ye, wen gónóhu tmóbóng kuy anì tendo wen ken ye ne tendo wen él ye. Ne hlayuku bélê ye yó kem des.

Matyu 4:4

Okóm yó balà Jisas du, monen, “Là kô yó du! Igoen deng mon du bè Sulat Dwata, ‘Là són du ken gónón mowil tau, okóm bè kdê yóm Udél Dwata se tahu hlowil du.’ ”

Kem Udél Hlalak Tehe Selumun 10:22

Yóm uyag Dwata mdengeni du ne laen dù kenblat nawahem du.

Malakay 2:2

Ke là hnungol ye du yóm monu mò kuy ni ne ke là sù ye du bè nawa ye yóm kadat ye do, angat wen tey tafak sidek hwitu ebélê ye. Balù yó kem dsù gel nwit kem tau ebélê ye mò lowil ye, bud gomong megtafak. Bè ktahuhen, deng tlesu du tafak yóm kdê hyu gel blayu kuy abay se là nóen bè nawa ye madat do.

Hagay 1:9

Tey gel kehdón ye du ke bong yóm gel tbas ye, okóm tek udì uléken. Bè yóm gel kwit ye du eta yóm gel nuta ye yó, mom nyufu hlayuk. Tngón ye kô but gónóhu mò du yóm yó? Abay se sana tolo kegbà yóm dou Gónô, mom hegna hdà ye yóm kuy gónô ne tódô ket tau tendo lala mò du yóm kun gónô.

Hagay 1:6

Tey bong bnék gel hla ye, okóm tek udì guta ye du. Wen se gel ken ye, okóm là kóen kóyów ne là kô ye gemtu du. Wen se gel ninum ye, okóm bud là se kóyówen. Wen se gel nes lesek ye, okóm sana gel ketnaw ye. Ne yóm tau gel mò nmò, là kóen kóyów yóm gel gutahen mò lowil le.

Kem Lingón 37:16

Mom hyu he yóm tau hyu kmoen ne tek udì kimuhen senta yóm tau mò sidek ne tey bong kimuhen.

Danyél 1:14

Tahu se, nmung yóm tau gel mkay ken bè yó yóm hni Danyél ne tnilówen lu bè sfolò kdaw.