Danyél 1:12 - Udél Dwata: Gna Kesfasad ne Lomi Kesfasad

¹² “Ke hyu béléem, tnilówem mi sfolò kdaw olon lemnaw ken me ne olon él ninum me.

Danyél 1:12 Referans Kwoze

Sulat Pol Ebè Yó Kem Tau Hemtahu Bè Rom 14:2

Yóm tau deng mtétél kehtahuhen, laen kô dù hniihen bè yóm gel kenen. Okóm wen se tau là dengen nelem kehtahuhen, són lemnaw utónen.

Danyél 1:16

Lenwóten bè yó ne són lemnaw ne hkenen kul le Danyél yóm tau gel mkay ken ebélê le, là ne yóm ken tilob tô hken le kul ne yóm tifas grép hinum le kul.

Dwata 8:3

Sotu tehe tilówen kuy, hbitilen yu ominen yó wen mana blayen kuy mò ken ye, yóm ken là deng hnikót ton ye du dalang se yó kem tehe fù ye. Yó gónón mò du yóm yó mò gónó ye temngón du là olon du bè ken gónón mowil tau, okóm mowil le bè kdéen yóm udél Dwata.

Deng Hegfan 2:10

Hol bê ye abay knikò yóm hlayam móyón sut bélê ye. Ngem móyón wen bélê ye geblanggù lan Seitan tmilów yóm kehtahu ye. Bede olon gefet bè sfolò kdawen yóm keglayam ye yó. Bê ye abay honol nawa ye ebéléu, baluen ke matay ye du, abay se angat benlayu yu yóm klowil laen dù sónen mò ofol ye.

Danyél 1:11

Yó udél Danyél ebè yóm sotu tau deng nélék yóm geta bè yó kem fen gel mkay ken mò hemken kul le Danyél ne Hananiya ne Misyél ne Asariya, monen,

Danyél 1:13

Ke sok deng mfu yóm sfolò kdaw, ominem semskél kum bè yó kem dumu logi mken yóm ken tau hol geta, hnénégem ke mahil du bélê me hyu klówóhen. Ke là móyói du yóm ktonem kum, tódô nmoem bélê me yóm kóm kóyô.”