Amus 9:3 - Udél Dwata: Gna Kesfasad ne Lomi Kesfasad

³ Baluen he ke hebnos le te tfusù Bulul Karmél, olo ke là angat hnebelu kul ne kenfóu lu. Baluen he ke hebnos le ditu tlaan bè sokol mohin, olo ke là angat dóku yóm ulal bong lem mohin mò mékét kul.

Amus 9:3 Referans Kwoze

Isaya 27:1

Bè yóm kdaw yó, wen tey sudeng mit hatay angat nogot Dwata mò tmafak yóm swaga bong boluyen Libyatan, yóm alì metlasik gel mulu hkigù ne mò hatayen yóm sotu ógóf lóbô nô lem mohin.

Amus 1:2

Ni se kmò ktulón Amus du yóm deng tonen ne yóm deng gungolen, monen, “Yóm udél Dwata gu lem yóm Gónóen bè Bulul Sayun, hol lómón ke ngel liyun ne hol lómón ke lemték lemwót gu bè Jirusalim. Bè yóm kudélen yó tódô baling mékéng yó kem gónó gel hótób ubiha ne gotu menes yó kem bnes ta bulul Karmél.”

Tekang Kbuten 3:8

Na a móyón kifu bè yó, tódô gungol le yóm Dwata hol gónó mogot mógów gu lem yóm hungul yó ne yó nmò le, mom henbnos le Dwata lem blóng yó kem koyu.

2 Samwél 22:46

Balù udì ke wen bud klóbô le, tódô setbol kkel le igò le hewà bè yóm gónó le gel heklung.

Kem Lingón 68:23

Yu kem dou tau, angat nolob ye ti ye bè litô yó kem hohonu deng hnatayu. Balù yó kem ohu ye, sana kwen kul dilut bè yóm litô le yó.”